കുടിക്കാം നീലച്ചായ…ഗ്രീൻ ടീ പോലെതന്നെ

ഗ്രീൻ ടി പോലെത്തന്നെ ആരോഗ്യ ഗുണങ്ങളാൽ സമ്പന്നമാണ് ബ്ലൂ ടീ. രുചിയും കിടിലമാണ്.നീല ശംഖു പുഷ്‌പത്തിൽ നിന്നാണ് നീലച്ചായ ഉണ്ടാക്കുന്നത്. ശംഖു പുഷ്പം ഉണക്കിയതും ഫ്രഷ് പൂക്കളും ചായ ഉണ്ടാക്കാൻ ഉപയോഗിക്കാം. നീലച്ചായയ്ക്ക് പർപ്പിൾ നിറം വേണമെങ്കിൽ അല്പ്പം ചെറു നാരങ്ങാ നീരും ചേർക്കാം.

ശംഖു പുഷ്പം ഇട്ട് തിളപ്പിച്ച വെള്ളം അരിച്ച് നാരങ്ങാ നീരും ചേർത്താൽ ബ്ലൂ ടീ റെഡിയായി. പിന്നെ മധുരത്തിന് തേൻ ചേർക്കാം. അതുമല്ലെങ്കിൽ അല്പം പഞ്ചസാര ചേർത്താലും മതി.
ഗ്രീൻ ടീയെക്കാൾ വളരെയധികം ആന്റി ഓക്‌സിഡന്റുകൾ അടങ്ങിയതാണ് നീലച്ചായ. സമ്മർദമകറ്റാനും മുടി വളർച്ചയ്ക്കും ചർമത്തിന്റെ ആരോഗ്യത്തിനും ബ്ലൂ ടീ സഹായകമാണ്.

അതേസമയം ശരീരഭാരം കുറയ്ക്കുന്നതോടൊപ്പം ടൈപ്പ് 1 പ്രമേഹം തടയാനും നീലച്ചായയ്ക്ക് കഴിയും.മാത്രമല്ല ഇതിലടങ്ങിയ പോളിഫിനോളുകൾ ശരീരത്തിലെ ഗ്ലുക്കോസിന്റെ ഉപാപചയ പ്രവർത്തനം നിയന്ത്രിക്കുകായും ചെയ്യും.ഫാറ്റി ലിവർ പ്രശ്നങ്ങൾ തടയാനും നീല ചായ ഫലപ്രദമാണ്.

നീല ചായ ശരീരത്തിന്റെ പ്രതിരോധ സംവിധാനം ശക്തിപ്പെടുത്തി രോഗപ്രതിരോധശക്തിയും നൽകുന്നു. കൊളസ്‌ട്രോൾ കുറയ്ക്കുകായും രക്തചംക്രമണം വർധിപ്പിച്ച് ഹൃദ്രോഗസാധ്യത കുറയ്ക്കുകയും ചെയ്യുന്നു. ഇതിലടങ്ങിയിരിക്കുന്ന ടാനിനുകൾ ഭക്ഷണത്തിൽ നിന്ന് ഇരുമ്പിന്റെ അംശം ആഗിരണം ചെയ്യുന്നതിനെ തടയും. അതുകൊണ്ട് ഭക്ഷണത്തിന് ഒരു മണിക്കൂർ മുൻപോ ശേഷമോ വേണം ബ്ലൂ ടീ കുടിക്കുവാൻ.