ആരാധകർക്ക് നിരാശ മാത്രം ; പബ്ജിയുടെ തിരിച്ചു വരവ് ഇനിയും നീളും

പബിജിയുടെ തിരിച്ചുവരവും കാത്തിരുന്ന ആരാധകർക്ക് നിരാശ.പബ്ജി തിരിച്ചു വരവ് ഇനിയും നീളും.

രാജ്യത്ത് പ്രവര്‍ത്തനം പുനരാരംഭിക്കാന്‍ പബ്ജി കോര്‍പ്പറേഷന് അനുമതി നല്‍കിയിട്ടില്ലെന്ന് ഇലക്ട്രോണിക്‌സ് ആന്‍ഡ് ഇന്‍ഫര്‍മേഷന്‍ ടെക്‌നോളജി മന്ത്രാലയം സ്ഥിരീകരിച്ചതായാണ് പുറത്തുവരുന്ന റിപ്പോര്‍ട്ട്.

നവംബര്‍ ആദ്യം കമ്പനി പബ്ജി മൊബൈല്‍ എന്ന പുതിയ സ്ഥാപനത്തിലൂടെ രാജ്യത്ത് തിരിച്ചുവരാനുള്ള ആഗ്രഹം പ്രകടിപ്പിച്ചിരുന്നു.

എന്നാൽ ഇന്ത്യയില്‍ നിരോധിച്ചിട്ടുള്ള ഏതെങ്കിലും കമ്പനിക്ക് ഒരു പുതിയ കമ്പനി ആരംഭിച്ചു കൊണ്ട് പ്രവര്‍ത്തനം പുനരാരംഭിക്കാന്‍ കഴിയില്ലെന്ന് മന്ത്രാലയം വ്യക്തമാക്കി.

പബ്ജിക്ക് ഇത് അനുവദിക്കുകയാണെങ്കില്‍, മറ്റേതെങ്കിലും നിരോധിത കമ്പനികള്‍ക്കും ഇത് ഇന്ത്യയില്‍ വീണ്ടും ആരംഭിക്കാനുള്ള അവസരമായി കാണാനാകുമെന്നു മന്ത്രാലയം വ്യക്തമാക്കിയതായി റിപ്പോര്‍ട്ട് പറയുന്നു.