പുതിയ പാര്‍ലമെന്റ് കെട്ടിടം നിര്‍മ്മാണം; കേന്ദ്ര സര്‍ക്കാരിന്റെ നടപടിയെ വിമര്‍ശിച്ച് നടന്‍ കമല്‍ഹാസന്‍

ചെന്നൈ: 1000 കോടി ചിലവില്‍ പുതിയ പാര്‍ലമെന്റ് മന്ദിരം പണിയുന്നതിനുളള കേന്ദ്ര സര്‍ക്കാരിന്റെ നടപടിയെ വിമര്‍ശിച്ച് നടന്‍ കമല്‍ഹാസന്‍ രംഗത്ത്. ഇത് ആരെ സംരക്ഷിക്കാന്‍ വേണ്ടിയാണ്. കോവിഡ് കാരണം ഇന്ത്യയിലെ ഒട്ടുമിക്ക ജനങ്ങളും ജോലിയില്ലാതെയും പട്ടിണിയോട് പൊരുതിയും കഴിയുന്ന ഈ സമയത്താണ് ഇത്രയും രൂപ ചിലവില്‍ ഇത്തരത്തിലൊരു പാര്‍ലമെന്റ് കെട്ടിടം നിര്‍മ്മാണത്തിനൊരുങ്ങുന്നത് സംരക്ഷിക്കാന്‍ വേണ്ടിയാണ് എന്നായിരുന്നു കമല്‍ഹാസന്റെ വിമര്‍ശനം. ഇക്കാര്യത്തില്‍ ദയവായി പ്രധാനമന്ത്രി മറുപടി നല്‍കണമെന്നും കമല്‍ ആവശ്യപ്പെട്ടു. ട്വിറ്ററിലൂടെയാണ് കമല്‍ഹാസ്സന്‍ തന്റെ പ്രതിഷേധം രേഖപ്പെടുത്തിയത്.

ചൈനയിലെ പഴയ ഭരണകാലത്ത് വന്‍മതില്‍ പണിയുമ്പോള്‍ ആയിരക്കണക്കിന് തൊഴിലാളികള്‍ മരിച്ചു വീണിരുന്നു. അന്ന് രാജാവ് തൊഴിലാളികളോടും ജനങ്ങളോടും പറഞ്ഞത് നിങ്ങളെ സംരക്ഷിക്കാനാണ് ഈ മതില്‍ എന്നായിരുന്നുവെന്ന്' കമല്‍ ചൂണ്ടിക്കാട്ടി.