ആലപ്പുഴയില്‍ അമ്മയെ തലക്കടിച്ച് കൊന്ന മകന്‍ പിടിയില്‍

ആലപ്പുഴ : അമ്മയെ തലയ്ക്കടിച്ചു കൊലപ്പെടുത്തിയ മകന്‍ അറസ്റ്റില്‍. ആലപ്പുഴയിലാണ് സംഭവം. വട്ടയാല്‍ വട്ടത്തില്‍ വീട്ടില്‍ ക്ലീറ്റസിന്റെ ഭാര്യ ഫിലോമിനയെ കൊലപ്പെടുത്തിയ കേസിലാണ് മകന്‍ സുനീഷിനെ സൗത്ത് പൊലീസ് അറസ്റ്റ് ചെയ്തത്. അതേസമയം കൊലപാതകം മറച്ചുവയ്ക്കാന്‍ ശ്രമിച്ച ബന്ധുക്കള്‍ക്കെതിരെ നടപടിയെടുക്കുമെന്നും പൊലീസ് അറിയിച്ചു.

മദ്യപിച്ചെത്തിയപ്പോള്‍ അമ്മ വഴക്കുപറഞ്ഞുവെന്നും സ്വബോധമില്ലാതെ തടിക്കഷണം കൊണ്ട് അമ്മയുടെ തലയില്‍ അടിക്കുകയായിരുന്നുവെന്നും സുനീഷ് പൊലീസിനു മൊഴി നല്‍കി. സൗത്ത് സിഐ എസ്.സനലിന്റെ നേതൃത്വത്തില്‍ എസ്ഐ കെ.ആര്‍.ബിജു, എഎസ്ഐ ആര്‍.മോഹന്‍കുമാര്‍, ശരത് ചന്ദ്രന്‍, സിപിഒമാരായ വി.പി.അരുണ്‍കുമാര്‍, റോബിന്‍സണ്‍ എന്നിവര്‍ ചേര്‍ന്നാണ് പിടികൂടിയത്.