കേരളം പിടിക്കാന്‍ വേണുഗോപാല്‍ എത്തുന്നു

കേരളത്തിലെ കോണ്‍ഗ്രസ് രാഷ്ട്രീയത്തില്‍ തലമുറമാറ്റം ഉറപ്പിക്കാന്‍ ഡല്‍ഹി തട്ടകമാക്കിയ മുന്‍യുവജന നേതാവ് കെ സി വേണുഗോഅ എത്തുന്നു.
ഐ ഗ്രൂപ്പില്‍ നിന്ന് വിശ്വസ്ഥരെ ഒപ്പം നിര്‍ത്തുന്ന കെ സി എ ഗ്രൂപ്പില്‍ ഡല്‍ഹി ബന്ധം വഴി ഉമ്മന്‍ചാണ്ടിയുടെ മകനെ ഒപ്പം നിര്‍ത്താനാണ് നീക്കം. നിലവില്‍ ഉമ്മന്‍ചാണ്ടിക്ക് വേണ്ടി എ ഗ്രൂപ്പ് ഓപ്പറേഷനുകള്‍ മുഴുവന്‍ മകനാണ്. നിയമസഭാ തിരഞ്ഞെടുപ്പിന് മുന്‍പ് കെ പി സി തലപ്പത്ത് മാറ്റം വരുത്താനുള്ള സാധ്യതയുമുണ്ട്.
അതിനൊപ്പം നിയമസഭയില്‍ പുതിയ നേതാവ് വരാനും ഇടയുണ്ട്. തിരഞ്ഞെടുപ്പ് ഉമ്മന്‍ചാണ്ടിയെ മുന്നില്‍ നിര്‍ത്തി നേരിടാനാണ് കെ സി യുടെ തന്ത്രം അതിനുശേഷം നിയമസഭാ പാര്‍ട്ടിയില്‍ സജീവമാവുക. നിലവിലെ സാഹചര്യത്തില്‍ ഭരണം നേടുക പ്രയാസമാണെന്ന് യു ഡി എഫ് വിലയിരുത്തുന്നു.
അതുകൊണ്ടു തന്നെ നേതൃമാറ്റ സാധ്യത തള്ളാതെയാണ് എഐസിസി ജനറല്‍ സെക്രട്ടറി കെ സി വേണുഗോപാല്‍ പ്രതികരിക്കുന്നത്. ഐസിസി സംഘം കേരളത്തിലെ കാര്യങ്ങള്‍ പഠിച്ച് റിപ്പോര്‍ട്ട് സമര്‍പ്പിക്കുമെന്നും അതനുസരിച്ചായിരിക്കും തീരുമാനമെന്നും അദ്ദേഹം പറഞ്ഞു.

നേതൃമാറ്റം വേണമെന്ന ആവശ്യം ഉയരുന്നത് ശ്രദ്ധയില്‍പ്പെട്ടിട്ടുണ്ട്. എന്നാല്‍ അതടക്കമുള്ള കാര്യങ്ങള്‍ എഐസിസി സംഘത്തിന്റെ റിപ്പോര്‍ട്ട് ലഭിച്ചശേഷമേ തീരുമാനിക്കൂവെന്നും എഐസിസി സംഘടനാചുമതലയുള്ള വേണുഗോപാല്‍ വ്യക്തമാക്കി. തെരഞ്ഞെടുപ്പില്‍ പ്രതിക്ഷിച്ച വിജയം ലഭിച്ചിട്ടില്ല. നേതാക്കളുടേയും അണികളുടേയും ആശങ്ക പരിഹരിക്കും.

തദ്ദേശ തെരഞ്ഞെടുപ്പിലെ കനത്ത പരാജയത്തെ തുടര്‍ന്ന് നേതൃമാറ്റം ആവശ്യപ്പെട്ട് കോണ്‍ഗ്രസില്‍ കലാപം രൂക്ഷമാണ്. കെപിസിസി പ്രസിഡന്റ് മുല്ലപ്പള്ളി രാമചന്ദ്രനും, പ്രതിപക്ഷ നേതാവ് രമേശ് ചെന്നിത്തലക്കും എതിരെയാണ് രൂക്ഷവിമര്‍ശനമുള്ളത്.