ചലച്ചിത്രതാരം അനില്‍ നെടുമങ്ങാട് മുങ്ങി മരിച്ചു

തൊടുപുഴ: പ്രമുഖ ചലച്ചിത്രതാരം അനില്‍ നെടുമങ്ങാട് മുങ്ങി മരിച്ചു. തൊടുപുഴക്ക് സമീപം മലങ്കര ജലാശയത്തില്‍ മുങ്ങി മരിക്കുകയായിരുന്നു. 48 വയസായിരുന്നു. വെള്ളിയാഴ്ച വൈകിട്ടായിരുന്നു അത്യാഹിതം. ഡാം സൈറ്റില്‍ കുളിങ്ങാനിറങ്ങിയ അനില്‍ കയത്തില്‍പ്പെട്ടു പോകുകയായിരുന്നു. അദ്ദേഹത്തിന്റെ മൃതദേഹം രക്ഷാ പ്രവര്ത്തകര് കരയ്ക്ക് എത്തിച്ചു.

അയ്യപ്പനും കോശിയും, കമ്മട്ടിപ്പാടം, പൊറിഞ്ചു മറിയം ജോസ് തുടങ്ങിയ സിനിമയില്‍ പ്രധാന വേഷത്തില്‍ അഭിനയിച്ചിട്ടുണ്ട്. സിനിമാ ചിത്രീകരണവുമായി ബന്ധപ്പെട്ട് തൊടുപുഴയില്‍ എത്തിയതായിരുന്നു. നാടകം, ടെലിവിഷന്‍ അവതാരകന്‍ എന്നീ നിലകളിലും തിളങ്ങിയിട്ടുണ്ട്.ജോജു നായകനായ 'പീസ്' സിനിമയുടെ ഷുട്ടിങ്ങിനായാണ് തൊടുപുഴയിലെത്തിയത്. ആഭാസം, കിസ്മത്. പാവാട, തുടങ്ങിയ സിനിമകളിലും അഭിനയിച്ചിട്ടുണ്ട്. സച്ചി സംവിധാനം ചെയ്ത് അയ്യപ്പനും കോശിയും എന്ന ചിത്രത്തിലെ സിഐയുടെ റോളില്‍ ഗംഭീര പ്രകടനം നടത്തി അനില്‍ നിരൂപക പ്രശംസ നേടിയിരുന്നു. സച്ചിയുടെ ജന്മദിനമായ ഇന്ന് അദ്ദേഹത്തിന് അനുശോചനം നേര്ന്ന് മണിക്കൂറുകള്‍ മുന്‍പ് അനില്‍ ഫേസ്ബുക്കില്‍ പോസ്റ്റിട്ടിരുന്നു.