ശബരിമലയില്‍ ഇന്ന് തങ്കഅങ്കി ചാര്‍ത്തി മണ്ഡലപൂജ

പത്തനംതിട്ട : ശബരിമലയില്‍ ഇന്ന് കോവിഡ് മാനദണ്ഡങ്ങളോടെ തങ്കഅങ്കി ചാര്‍ത്തി മണ്ഡല പൂജ. സീസണിലെ 41 ദിവസങ്ങളിലെ ദിനരാത്ര പൂജകള്‍ പൂര്‍ത്തിയാക്കി ശബരിമല ക്ഷേത്രം ഇന്നു രാത്രി ഒന്‍പതിന് അടയ്ക്കും. മകരവിളക്കു മഹോത്സവങ്ങള്‍ക്കായി 30 നു വൈകിട്ട് നട വീണ്ടും തുറക്കും.

രാവിലെ 11.40 നും 12.20 മധ്യേയാണ് മണ്ഡല പൂജ. തീര്‍ത്ഥാടകര്‍ക്ക് ഇന്ന് നിയന്ത്രണങ്ങള്‍ ഏര്‍പ്പെടുത്തിയിട്ടുണ്ട്. രാവിലെ പത്തുവരെമാത്രമേ തീര്‍ത്ഥാടകര്‍ക്ക് ദര്‍ശന അനുമതിയുള്ളു. പൂജയ്ക്ക് ശേഷം ദര്‍ശനം അനുവദിക്കും. വൈകിട്ട് നാലിനു ശേഷം പമ്ബയില്‍ നിന്ന് തീര്‍ത്ഥാടകര്‍ക്ക് സന്നിധാനത്തേയ്ക്ക് പ്രവേശനം ഉണ്ടാകില്ല.