ന്യൂ ഇയര്‍ ആഘോഷങ്ങളുടെ ഭാഗമായുള്ള വലിയ ഒത്തുചേരലുകള്‍ക്ക് വിലക്ക് ഏര്‍പ്പെടുത്തി ദുബായി

ന്യൂ ഇയര്‍ ആഘോഷങ്ങളുടെ ഭാഗമായുള്ള വലിയ ഒത്തുചേരലുകള്‍ക്ക് വിലക്ക് ഏര്‍പ്പെടുത്തി ദുബായി
. സ്വകാര്യ സ്വഭാവത്തിലുള്ള കുടുംബ പരിപാടികളിലും സാമൂഹിക ഒത്തുചേരലുകളിലും മുപ്പത് പേരില്‍ കൂടുതല്‍ പങ്കെടുക്കുന്നതിനാണ് വിലക്ക്. നിയമം ലംഘിച്ചാല്‍ അരലക്ഷം ദിര്‍ഹം വരെ പിഴയൊടുക്കേണ്ടി വരും. ദുബായി ദുരന്തനിവാരണ സമിതിയുടേതാണ് തീരുമാനം. ന്യൂ ഇയര്‍ ആഘോഷ പരിപാടികള്‍ക്ക് കടുത്ത നിയന്ത്രണമാണ് ഏര്‍പ്പെടുത്തിയിരിക്കുന്നത്.
കൃത്യമായ നിരീക്ഷണം നടത്താനും വിലക്ക് മറികടന്നു കൊണ്ടുള്ള ഒത്തുചേരല്‍ നടത്തുന്നവരെ നിയമത്തിനു മുന്നില്‍ കൊണ്ടു വരാനും അധികൃതര്‍ നിര്‍ദേശം നല്‍കിയിട്ടുണ്ട്. മാസ്‌ക് ധരിച്ചും സാമൂഹിക അകലം പാലിച്ചുമായിരിക്കണം ഒത്തുചേരലുകള്‍. ഒത്തുചേരലുകള്‍ നിരീക്ഷിക്കാന്‍ പ്രത്യേക പട്രോളിങ്ങും ഉറപ്പാക്കും.