രാഷ്ട്രീയ കളിയില്‍ തിരിച്ചടി ചെന്നിത്തലയെ സുകുമാരന്‍ നായരും കൈവിടുന്നു

തദ്ദേശസ്വയംഭരണ തിരഞ്ഞെടുപ്പിന് ശേഷം കൊവിഡ് ബാധിച്ച ചെന്നിലയുടെ രാഷ്ട്രീയ ബന്ധങ്ങളും അകലുന്നു. താക്കോല്‍ സ്ഥാനത്ത് ചെന്നിത്തലയെ ഇരുത്താന്‍ കരുക്കള്‍ നീക്കിയ ഗോഡ് ഫാദര്‍ സുകുമാരന്‍ നായരും ചെന്നിത്തലെ ഉപേക്ഷിച്ച് ഉമ്മന്‍ചാണ്ടിയും കെ സി വേണുഗോപാലുമായി കൈ കോര്‍ത്തിരിക്കുകയാണ്.
ചങ്ങനാശേരി നഗരസഭ ഇടതു മുന്നണിക്ക് ലഭിക്കാതിരിക്കാന്‍ ഉമ്മന്‍ചാണ്ടിയുമായി ചര്‍ച്ച നടത്തിയ സുകുമാരന്‍ നായര്‍ , നഗരസഭാ കൗണ്‍സിലര്‍മാരെ ആ ക്യാമ്പില്‍ എത്തിക്കാനും മുന്‍കൈ എടുത്തിരുന്നു.
എന്നാല്‍ പൂര്‍ണ്ണമായും ചെന്നിത്തലയെ കൈ ഒഴിഞ്ഞ രീതിയിലാണ്കാര്യങ്ങള്‍. വിശ്വാസത്തില്‍ എടുക്കുന്ന രീതിയില്‍ പ്രവര്‍ത്തിക്കാന്‍ സാധിക്കുന്നില്ലന്ന പരിഭവമാണ് അദ്ദേഹം തന്റെ വിശ്വസ്ഥരുമായി പങ്കുവച്ചത്.
സമുദായ രാഷ്ട്രീയം വളരെ നിര്‍ണ്ണായകമാവുന്ന യു ഡി എഫില്‍ എന്‍ എസ് എസ് പിന്‍തുണ കുറഞ്ഞാല്‍ ചെന്നിത്തലയ്ക്ക് പിടിച്ചു നില്‍ക്കാന്‍ പ്രയാസമാവും. അത് ഒഴിവാക്കുന്നതിനുള്ള ശ്രമത്തിലാണ് ചെന്നിത്തല. പക്ഷെ പെരുന്നയില്‍ പോകാന്‍ പറ്റിയ ഒരു ദൂതന്‍ പോലും ചെന്നിത്തല ക്യാമ്പില്‍ ഇപ്പോള്‍ ഇല്ല.
ഡല്‍ഹി രാഷ്ട്രീയത്തിലെ പുതിയ അധികാരസ്ഥാനങ്ങളാണ് കെ സി വേണുഗോപാലിനെ പെരുന്നയ്ക്ക് പ്രിയങ്കരനാക്കിയിരിക്കുന്നത്. എം ജയരാജ് ഉള്‍പ്പെടെയുള്ള എം എല്‍ എ മാരെ ചെന്നിത്തല കൈവിട്ടതിലും കടുത്ത അമര്‍ഷം ചങ്ങനാശേരിയിലെ സമുദായ നേതാക്കള്‍ക്കുണ്ട്. നതെല്ലാം അദ്ദേഹത്തോടു തന്നെ സൂചിപ്പിച്ചതായിട്ടണ് വിവരം.