കൊല്ലത്ത് ബാറിന് മുന്നില്‍ യുവാവിനെ കുത്തിക്കൊന്നു

കൊല്ലം: ബാറിന് മുന്നില്‍ യുവാവിനെ കുത്തിക്കൊന്നു. മദ്യപാനത്തിനിടെ ഉണ്ടായ തര്‍ക്കത്തെ തുടര്‍ന്നാണ് സംഭവം. പുനലൂര്‍ സ്വദേശി ബിജു (43) ആണ് മരിച്ചത്. പുനലൂര്‍ താലൂക്ക് ആശുപത്രി മതില്‍ക്കെട്ടിന് സമീപമുള്ള നരേന്ദ്ര ബാറിന് മുന്‍വശത്താണ് കത്തിക്കുത്ത് നടന്നത്.

വ്യാഴാഴ്ച രാത്രി പത്ത് മണിയോടെയാണ് സംഭവം നടന്നത്. സംഭവുമായി ബന്ധപ്പെട്ട് ഒരാളെ പുനലൂര്‍ പൊലീസ് കസ്റ്റഡിയിലെടുത്തു. മൃതദേഹം പുനലൂര്‍ താലൂക്ക് ആശുപത്രി മോര്‍ച്ചറിയില്‍ സൂക്ഷിച്ചിരിക്കുകയാണ്. പുനലൂര്‍ സിഐയുടെ നേതൃത്വത്തില്‍ ഇന്ന് വിശദമായ അന്വേഷണം നടത്തുമെന്ന് പൊലീസ് അറിയിച്ചു.