ഹരിയാനയിലും ദുരഭിമാനക്കൊല

ഹരിയാന : ഹരിയാനയിലും ദുരഭിമാനക്കൊല സംഭവിച്ചു. ഹരിയാന പാനിപത്തില്‍ സഹോദരിയുടെ ഭര്‍ത്താവിനെ സഹോദരന്മാര്‍ കുത്തിക്കൊലപ്പെടുത്തുകയായിരുന്നു. ജാതി മാറി വിവാഹം ചെയ്തതാണ് കൊലപാതകത്തിന് കാരണം. 23കാരനായ നീരജാണ് കൊല്ലപ്പെട്ടത്.

കൊലപാതകത്തിന് തൊട്ടുമുമ്പ്‌ കൂടിക്കാഴ്ചക്കായി കാണണമെന്ന് ആവശ്യപ്പെട്ട് പ്രതികള്‍ നീരജിനെ ഫോണ്‍ ചെയ്‌തെന്നും നീരജിന്റെ ഭാര്യയെ വിളിച്ച്‌ നീ ഉടന്‍ കരയുമെന്ന് പറഞ്ഞതായും ജഗദീഷ് പറഞ്ഞു. പൊലീസിനെതിരെയും ഇയാള്‍ ആരോപണം ഉന്നയിച്ചു. നേരത്തെയും വധഭീഷണിയുണ്ടായിരുന്നെന്നും പൊലീസില്‍ പരാതിപ്പെട്ടിട്ട് നടപടിയെടുത്തില്ലെന്നും അദ്ദേഹം പറഞ്ഞു. ഇവരുടെ പ്രണയം പ്രശ്‌നമായപ്പോള്‍ ഗ്രാമത്തിലെ പ്രമുഖരുടെ നേതൃത്വത്തില്‍ ഒത്തുതീര്‍പ്പ് നടന്നിരുന്നു.