ഗലോട്ട് തന്ത്രം , പിന്നിൽ ആന്റണി

കേരളത്തിലെ കോൺഗ്രസിന്റെ തലപ്പത്തേക്ക് ഒരു തവണ കൂടി ഉമ്മൻചാണ്ടി എത്തുമ്പോൾ വിജയം കാണുന്നത് അശോക് ഗലോട്ടിന്റെ തന്ത്രം . പുതു മുഖത്തിനെ വച്ച് തിരഞ്ഞെടുപ്പ് നേരിട്ടാൽ താഴേത്തട്ടിലെ നേതാക്കൾ ഒപ്പം നിൽക്കില്ലന്നും അതിനാൽ പഴയ മുതിർന്ന മുഖം മറിയെന്നും ഗലോട്ടിന്റെ നിർദേശമാണ് ഹൈക്കമാന്റ് കണക്കിലെടുത്തത്.
രാജസ്ഥാനിൽ സച്ചിൽ പൈലറ്റ് കലാപം ഉയത്തിയിട്ടും ജനം തനിക്കൊപ്പം നിന്നതാണ് ഗലോട്ട് ചൂണ്ടിക്കാണിച്ചത്. അതിനാൽ അതിനെ തള്ളാൻ ഹൈക്കമാന്റിനും ആയില്ല. ഭൂരിപക്ഷം നേടി അധികാരത്തിൽ വരുമ്പോൾ തർക്കം ശക്തമായാൽ ആ സമയത്ത് നോക്കാം എന്ന നിലപാടിലാണ് ഇവരിപ്പോൾ.
ഉമ്മൻ ചാണ്ടിയുടെ നേതൃത്വത്തിലുള്ള തിരഞ്ഞെടുപ്പ് മേൽനോട്ട, സമിതിക്ക് ഹൈക്കമാൻഡ് നൽകിയിരിക്കുന്നത് കേരളത്തിൽ കോൺഗ്രസിന്റെ തിരഞ്ഞെടുപ്പ് ഒരുക്കങ്ങളുടെ പൂർണ ചുമതല. ഫലത്തിൽ പാരലൽ കെ പി സി സി ആയിരിക്കുകയാണ് സമതി.

സ്ഥാനാർഥി നിർണയം, പ്രചാരണം എന്നിവയ്ക്കായി മറ്റു സമിതികളും രൂപീകരിക്കുമെങ്കിലും അവയുടെയെല്ലാം നിയന്ത്രണവും മേൽനോട്ടവും ഉമ്മൻ ചാണ്ടിക്കായിരിക്കും.
തിരഞ്ഞെടുപ്പിൽ മത, സമുദായ സംഘടനാ നേതൃത്വങ്ങളുടെ പിന്തുണ ഉറപ്പാക്കേണ്ടതും ഉമ്മൻചാണ്ടിയുടെ ചുമതലയാണ്.

ഹൈക്കമാന്റുമായുള്ള കേരളത്തിന്റെ ഇടപെടലുകൾ ദേശീയ ജനറൽ സെക്രട്ടറിമാരായ കെ.സി. വേണുഗോപാലിനും താരിഖ് അൻവറും മുഖേനയായിരിക്കും. ഹൈക്കമാൻഡിന്റെ നിർദേശങ്ങൾ സംസ്ഥാനത്ത് നടപ്പാക്കേണ്ട ചുമതലയും ഇവരിലാണ്. ആന്റണി നേരിട്ട് ക്കരു കാര്യത്തിലും ഇടപെടില്ല.

സമിതിയിൽ പഴയ ടീമല്ലാതെ ശശി തരൂരിനെ മാത്രമാണ് പുറമേ നിന്നെടുത്തിരിക്കുന്നത്. സോണിയാ ഗാന്ധിക്കെതിരെ വിമർശനം ഉയത്തി നിൽക്കുന്ന തരൂരിനെ ഉൾപ്പെടുത്തിയില്ലങ്കിൽ അത് ദേശീയ തലത്തിൽ വിവാദമാവും എന്നതിനാലാണ് അദ്ദേഹത്തെ ഉൾപ്പെടുത്തിയത്.

അശോക് ഗെലോട്ടിന്റെ നേതൃത്വത്തിലുള്ള നിരീക്ഷക സംഘം 22ന് കേരളത്തിലെത്തും. ഇവർ യുഡിഎഫ് ഘടകകക്ഷി നേതാക്കളുമായി കൂടിക്കാഴ്ച നടത്തും. ഇതോടൊപ്പം തിരഞ്ഞെടുപ്പ് മേൽനോട്ട സമിതിയൂടെ ആദ്യ യോഗവും ചേർന്നേക്കാം.

ഗെലോട്ടിനെ കൂടാതെ ജി.പരമേശ്വര, ലൂസിഞ്ഞോ ഫെലെറോ എന്നിവരെയാണ് കേരളത്തിലെ കാര്യങ്ങൾ നോക്കുന്നത്. 23ന് കോൺഗ്രസ് എംപിമാർ, എംഎൽഎമാർ, രാഷ്ട്രീയകാര്യസമിതി അംഗങ്ങൾ, കെപിസിസി ഭാരവാഹികൾ എന്നിവരുമായി ചർച്ച നടത്തും.