ഒരാള്‍ കയറിപിടിക്കാന്‍ ശ്രമിച്ചുവെന്ന് പരാതി പറയാന്‍ എത്തിയ യുവതിക്ക് പോലീസില്‍ നിന്ന് ദുരനുഭവം

കണ്ണൂര്‍ പരിയാരം പൊലീസ് സ്റ്റേഷനില്‍

പരാതി പറയാന്‍ പൊലീസ് സ്റ്റേഷനില്‍ എത്തിയപ്പോള്‍ പൊലീസ് നിസഹകരണത്തോടെ പെരുമാറിയെന്ന പരാതിയുമായി യുവതിയും കുടുംബവും. കഴിഞ്ഞ ദിവസമാണ് പട്ടാപ്പകല്‍ സ്‌കൂട്ടറിലെത്തി ഒരാള്‍ തന്നെ ആക്രമിക്കാന്‍ ശ്രമിച്ചുവെന്ന് കാട്ടി യുവതി പരിയാരം പൊലീസ് സ്റ്റേഷനില്‍ എത്തിയത്.
പരിയാരം പൊലീസ് സ്റ്റേഷന്‍ പരിധിയിലെ ഏമ്പേറ്റ് മുടിക്കാനം റോഡിലായിരുന്നു സംഭവം. ആക്രമണത്തില്‍ നിന്നും ഓടി രക്ഷപ്പെട്ട യുവതി പിതാവിനെ ഫോണില്‍ വിളിച്ച് പൊലീസ് സ്റ്റേഷനില്‍ നേരിട്ടെത്തി പരാതി നല്‍കുകയായിരുന്നു.എന്നാല്‍ പരാതിയിന്മേല്‍ പൊലീസ് അന്വേഷിക്കാന്‍ എത്തിയത് ആറരമണിക്കൂര്‍ കഴിഞ്ഞാണെന്നും സമീപ പ്രദേശത്തെ സിസിടിവി ദൃശ്യങ്ങള്‍ പരിശോധിച്ച് പരാതിക്കാരോട് തന്നെ അതിന്റെ വീഡിയോ സ്റ്റേഷനില്‍ എത്തിക്കാന്‍ പറഞ്ഞുവെന്നും പരാതിക്കാരിയുടെ പിതാവ് പറയുന്നു. യുവതിയെ അപമാനിക്കുന്ന തരത്തിലാണ് പൊലീസ് ചോദ്യം ചെയ്തതെന്നും പരാതിയുണ്ട്.