വീ ഫോർ കൊച്ചിക്ക് പിന്നാലെ യു ഡി എഫ്

കൊച്ചിയിലെ സീറ്റുമോഹികളായ കോൺഗ്രസ് നേതാക്കളെ വെട്ടിലാക്കി ട്വന്റി ട്വന്റിയും വി ഫോർ കൊച്ചിയും. ഈ സംഘടനകളുമായി എങ്ങനെയെങ്കിലും ധാരണയിൽ എത്താനുള്ള നീക്കത്തിലാണ് യു ഡി എഫിന്റെ മുതിർന്ന നേതാക്കാൾ.
പന്നാൽ മണ്ഡലത്തിലെ പ്രവർത്തകരും നേതാക്കളും ഇതിന് തയാറായിട്ടില്ല. ബി ജെ പി യും ഇവരുമായി രഹസ്യ നീക്കങ്ങൾക്ക് ശ്രമം തുടങ്ങിയിട്ടുണ്ട്.
നേരത്തെ ട്വന്റി ട്വന്റിയുമായി ഉമ്മൻചാണ്ടി നേരിട്ട് ചർച്ച നടത്തിയിരുന്നു. പുതിയ കൂട്ടായ്മകളെ ഒപ്പം നിർത്തുന്ന നീക്കം യുവജന വോട്ടുകൾ ലഭിക്കാൻ ഇടയാക്കും എന്ന പി ആർ ഏജൻസി വിലയിരുത്തലിന്റെ അടിസ്ഥാനത്തിലാണ് നീക്കം.

കൊച്ചി മണ്ഡലത്തിൽ സ്ഥാനാർഥിയെ പ്രഖ്യാപിച്ച വിഫോർ പീപ്പിൾ പാർട്ടിയുടെ നേതാവിന് പിൻ തുണ നൽകുന്ന കാര്യമാണ് ആലോചിക്കുന്നത്. വിഫോർ കേരള ക്യാംപെയിൻ കോ-ഓർഡിനേറ്ററാണ് നിപുൻ ചെറിയാൻ.

വിഫോർ കൊച്ചി എന്ന പേരിൽ തദ്ദേശതിരഞ്ഞെടുപ്പിൽ കൊച്ചി കോർപറേഷനിൽ കാഴ്ച വച്ച പ്രകടനത്തിൻറെ ആടിസ്ഥാനത്തിലാണ് വിഫോർ കൊച്ചിയെ ഒപ്പം നിർത്താനുള്ള നീക്കവുമായി ഇറങ്ങിയിരിക്കുന്നത്. കൊച്ചി കോർപറേഷനിൽ ഇരുപതോളം ഡിവിഷനുകളിൽ ജയപരാജയങ്ങൾ നിശ്ചയിച്ചത് പത്ത് ശതമാനത്തിലധികം വോട്ട് നേടിയ വിഫോർ കൊച്ചി ആയിരുന്നു.

കൊച്ചി മണ്ഡലത്തിൻറെ ഭാഗമായ കോർപറേഷൻ ഡിവിഷനുകളിൽ പതിമൂന്ന് ശതമാനത്തിലധികം വോട്ടാണ് സംഘടന നേടിയത്.

കൊച്ചിക്ക് പുറമേ എറണാകുളം, തൃക്കാക്കര, തൃപ്പൂണിത്തുറ മണ്ഡലങ്ങളിലും വിഫോർ കൊച്ചിക്ക് പ്രവർത്തകരുണ്ട്.