സുധാകരന്റെ വിരോധത്തിന് കാരണം ബ്രണ്ണൻ കോളേജിലെ ഓർമ്മ : എ.കെ ബാലൻ.

'സുധാകരന് ചെറുപ്പം മുതലേ പിണറായി വിജയനോട് വെറുപ്പാണ്. അതെനിക്കറിയാം. ഞാൻ അക്കാര്യത്തിലേക്ക് കടക്കുന്നില്ലന്ന് മന്ത്രി എ.കെ ബാലൻ.
ബ്രണ്ണൻ കോളേജിൽ നിന്ന് സഖാവ് പിണറായി വിജയൻ പിരിയുമ്പോഴാണ് ഞാൻ ബ്രണ്ണനിൽ ചേരുന്നത്. അവിടെ എന്റെ സീനിയറായി പഠിച്ചയാളാണ് സുധാകരൻ. പലപ്പോഴും സമരവുമായി ബന്ധപ്പെട്ടെല്ലാം പിണറായി ബ്രണ്ണൻ കോളേജിൽ വരാറുണ്ടായിരുന്നു. ആ ഒരോർമ്മ അദ്ദേഹത്തിനുള്ളിടത്തോളം കാലം ലേശം ബുദ്ധിമുട്ട് പിണറായി വിജയനോട് അദ്ദേഹത്തിനുണ്ട്.
പിന്നെ സുധാരനെ കാണുമ്പോൾ മുട്ട് വിറക്കുന്ന ചില കോൺഗ്രസ്സുകാരുണ്ട്. അപ്പോ പിന്നെ അദ്ദേഹത്തിന്റെ കൂടെ ഹലേലൂയ പാടിയിട്ട് പോകും', എ. ബാലൻ പറഞ്ഞു.

തൊഴിലാളി വർഗ്ഗത്തിലാണ് ജനിച്ചതെന്നതിന് ഞങ്ങൾക്ക് യാതൊരു അഭിമാനക്ഷതവുമില്ല. അഭിമാനമേയുള്ളൂ. കേരളത്തിലെ ചെത്തുതൊഴിലാളി എന്ന് പറഞ്ഞാൽ കേരളത്തിലെ കമ്മ്യൂണിസ്റ്റ് പ്രസ്ഥാനത്തിന്റെ അവിഭാജ്യഘടകമാണെന്നും എ.കെ ബാലൻ പ്രതികരിച്ചു.

സുധാകരൻ അങ്ങനെ പറയാൻ പാടില്ല എന്ന ആർജ്ജവം കോൺഗ്രസ്സുകാർ കാട്ടണം. പിണറായി വിജയന്റെ അച്ഛൻ ചെത്തു തൊഴിലാളിയായത് തെറ്റാണോ എന്നും മുഖ്യമന്ത്രി ഹെലികോപ്റ്ററിൽ സഞ്ചരിക്കാൻ പാടില്ല എന്നത് അധമബോധമാണെന്നും ബാലൻ പ്രതികരിച്ചു. കേരളത്തിലെ ചെത്ത് തൊഴിലാളി കമ്മ്യൂണിസ്റ്റ് പ്രസ്ഥാനത്തിന്റെ അവിഭാജ്യഘടകമാണെന്നും അദ്ദേഹം പറഞ്ഞു.