ഞാനില്ല, നിലപാട് ‌വ്യക് തമാക്കി ശോഭ

പാർട്ടിക്കുള്ളിൽ നിന്ന് എതിർപ്പും , കാലുവാരലും കഴിഞ്ഞ എട്ട് തെരഞ്ഞെടുപ്പിലായി അഞ്ച് ജില്ലകളിൽ മത്സരിച്ച ബിജെപി നേതാവാണ് ശോഭാ സുരേന്ദ്രൻ. എല്ലായിടത്തും ബിജെപിക്ക് വേണ്ടി വോട്ടുയർത്തിയ നേതാവാണ് ഇവർ. തന്നെ സ്ഥാനാർത്ഥിയായി പരിഗണിക്കരുതെന്ന് കേന്ദ്ര-സംസ്ഥാന നേതൃത്വങ്ങളോട് ശോഭാ സുരേന്ദ്രൻ ആവശ്യപ്പെട്ടു കഴിഞ്ഞു.

തിരുവനന്തപുരത്ത് വർക്കലയിൽ മത്സരിക്കാനാണ് ശോഭാ സുരേന്ദ്രനോട് ആർ എസ് എസ് നേതൃത്വം ആവശ്യപ്പെട്ടിരുന്നത്. തദ്ദേശ തെരഞ്ഞെടുപ്പിൽ മികച്ച പ്രകടനം ബിജെപി നടത്തിയ മണ്ഡലമാണ് ഇത്. എന്നാൽ ഇവിടെ ലക്ഷ്യംമിട്ട് മുരളീധരൻ നകക്കം തുടങ്ങി. കഴിഞ്ഞ തവണ പാലക്കാട് മത്സരിച്ച് രണ്ടാം സ്ഥാനത്ത് ശോഭ എത്തിയിരുന്നു. എന്നാൽ ഇത്തവണ ബിജെപിയിലെ ഗ്രൂപ്പ് കളി മൂലം ഇവിടെ മത്സരിക്കാൻ ശോഭയ്ക്ക് കഴിയില്ല.

ബിജെപി ദേശീയ അധ്യക്ഷൻ ജെപി നദ്ദ പങ്കെടുത്ത തൃശൂർ പരിപാടിയിൽ ശോഭാ സുരേന്ദ്രൻ പങ്കെടുത്തിരുന്നു. പാർട്ടി പുനഃസംഘനയുമായി ബന്ധപ്പെട്ട് ശോഭാ പാർട്ടിയുമായി അകലത്തിലായിരുന്നു. തന്നെ തഴഞ്ഞുവെന്ന ആക്ഷേപം അവർക്കുണ്ടായിരുന്നു. സംസ്ഥാന പ്രസിഡന്റ് കെ. സുരേന്ദ്രനുമായുള്ള അഭിപ്രായ വ്യത്യാസമാണ് ശോഭയുടെ പ്രശ്നം.

ശോഭയ്ക്കു തിരഞ്ഞെടുപ്പു പ്രചാരണത്തിൽ ചുമതല നൽകാൻ ദേശീയ നേതൃത്വം നിർദേശിച്ചിട്ടുണ്ട്. ഇത് കെ സുരേന്ദ്രൻ അംഗീകരിച്ചിട്ടില്ല എന്നതാണ് നിർണ്ണായകം. മാന്യാമായ പദവി കിട്ടിയാൽ മത്സരിച്ചില്ലെങ്കിലും പ്രചരണത്തിൽ ശോഭ സജീവമായേക്കും.