News Beyond Headlines
28 Sunday
December
December
'സുരേന്ദ്രന് കാട്ടില് കൂടി ശബരിമലയിലെത്തിയത് ആര്ക്ക് വേണ്ടി?'
ശബരിമല വിഷയത്തില് ബിജെപിയെ പ്രതിക്കൂട്ടിലാക്കി പാര്ട്ടി വിട്ട് സിപിഎമ്മില് ചേര്ന്ന ധര്മ്മ സംരക്ഷണ സമിതി ചെയര്മാനും ബിജെപി നേതാവുമായ എസ്.കൃഷ്ണകുമാര്. ശബരിമല സമരഭൂമിയാക്കാന് പാടില്ലെന്ന ബിജെപി സംസ്ഥാന കമ്മിറ്റിയുടെ തീരുമാനം മറികടന്നാണ് കെ.സുരേന്ദ്രന് കാട്ടില് കൂടി ശബരിമലയിലെത്തിയതെന്ന് എസ്.കൃഷ്ണകുമാര് വിമര്ശിച്ചു. ശബരിമല വിഷയത്തില് പിണറായി വിജയന് സര്ക്കാര് എടുത്ത തീരുമാനം ശരിയായിരുന്നുവെന്നും കൃഷ്ണകുമാര് വ്യക്തമാക്കി.
ഇടതുമുന്നണി സര്ക്കാര് ശബരിമല വിഷയത്തില് നല്കിയ സത്യവാങ്മൂലത്തില് തെറ്റില്ല. യുഡിഎഫും ബിജെപിയും ശബരിമലയെ രാഷ്ട്രീയ വിഷയമാക്കാതിരുന്നാല് ഇവിടെ ഒരു പ്രശ്നവുമുണ്ടാകില്ല. ഇടതുമുന്നണി സര്ക്കാര് ശബരിമലയ്ക്ക് എതിരാണെന്ന് പറഞ്ഞാല് താന് സമ്മതിക്കില്ലെന്നും അത് ശരിയല്ലെന്നും കൃഷ്ണകുമാര് പറഞ്ഞു.
''ബിജെപിയുടെ വലിയ പ്രശ്നം, ഞാനും വിളക്കും എന്ന മനോഭാവമാണ്. ബാക്കിയുള്ളവര് വിറകുവെട്ടുകാരും വെള്ളംകോരികളുമാണെന്നാണ് അവരുടെ കരുതല്. അവരങ്ങനെ മാറിയിരിക്കുന്നു.'' ഇതാണ് കേരളത്തിലെ ബിജെപി ഇപ്പോഴനുഭവിച്ചുകൊണ്ടിരിക്കുന്ന പ്രശ്നമെന്നും എസ് കൃഷ്ണകുമാര് മാധ്യമങ്ങളോട് പറഞ്ഞു.
പന്തളത്ത് നാമജപ ഘോഷയാത്രക്ക് നേതൃത്വം നല്കിയ എസ്.കൃഷ്ണകുമാറടക്കം മുപ്പതോളം ബിജെപി പ്രവര്ത്തകരാണ് ഇന്നലെ സിപിഐഎമ്മില് ചേര്ന്നത്. ബിഎംഎസ് മേഖല ജോ. സെക്രട്ടറി എം സി സദാശിവന്, ബിജെപി മുനിസിപ്പല് കമ്മിറ്റി വൈസ് പ്രസിഡന്റ് എം ആര് മനോജ് കുമാര്, ബാലഗോകുലം മുന് താലൂക്ക് സെക്രട്ടറി അജയകുമാര് വാളാകോട്ട്, മുന്സിപ്പല് കമ്മിറ്റി മുന് വൈസ് പ്രസിഡന്റ് സുരേഷ്, മഹിളാ മോര്ച്ച ആറന്മുള നിയോജമണ്ഡലം സെക്രട്ടറി ശ്രീലത, വള്ളിക്കോട് പഞ്ചായത്ത് സെക്രട്ടറി ബാലമുരളി തുടങ്ങിയവരാണ് സിപിഐഎമ്മില് ചേര്ന്നത്.
പന്തളത്ത് ചേര്ന്ന സിപിഐഎമ്മിന്റെ രാഷ്ട്രീയ വിശദീകരണ യോഗത്തില് സംസ്ഥാന ആക്ടിംഗ് സെക്രട്ടറി എ.വിജയരാഘവന് ഇവരെ സ്വീകരിച്ചു. ഇടത് മുന്നണി സര്ക്കാരിന്റെ തുടര് ഭരണം ഇല്ലാതാക്കാന് ചില ശക്തികള് ശ്രമിക്കുന്നതായി എ.വിജയരാഘവന് പറഞ്ഞു. യോഗത്തില് പന്തളം ഏരിയ കമ്മിറ്റിയംഗം കെപിസി കുറുപ്പ് അധ്യക്ഷനായി. സംസ്ഥാന സെക്രട്ടറിയറ്റംഗം കെ ജെ തോമസ്, സംസ്ഥാന കമ്മിറ്റിയംഗങ്ങളായ ആര് ഉണ്ണികൃഷ്ണപിള്ള, അഡ്വ. കെ അനന്തഗോപന്, ജില്ലാ സെക്രട്ടറി കെ പി ഉദയഭാനു, വീണാ ജോര്ജ് എംഎല്എ, ജില്ലാ സെക്രട്ടറിയറ്റംഗങ്ങളായ ടി ഡി ബൈജു, എ പത്മകുമാര്, സിപിഐ എമ്മിലേക്ക് വന്നവരെ പ്രതിനിധീകരിച്ച് എസ് കൃഷ്ണകുമാര് എന്നിവര് സംസാരിച്ചു.
പത്തനംതിട്ട ഡിസിസി അംഗവും മുന് പഞ്ചായത്തംഗവുമായ വി ടി ബാബു, കര്ഷക കോണ്ഗ്രസ് അടൂര് മണ്ഡലം പ്രസിഡന്റ് പന്തളം വിജയന്, കേരള കോണ്ഗ്രസ് അടൂര് മണ്ഡലം പ്രസിഡന്റ് ഇടിക്കുള വര്ഗീസ് എന്നിവരടക്കം 25ല് അധികം കോണ്ഗ്രസ് നേതാക്കളെയും പ്രവര്ത്തകരെയും യോഗത്തില് സ്വീകരിച്ചു.
നാമജപസംഘത്തിലെ പ്രബലവിഭാഗം സിപിഐഎമ്മില് ചേര്ന്നത് കേരളത്തിലെ ബിജെപിയ്ക്ക് കനത്ത തിരിച്ചടിയായിരിക്കുകയാണ്. നാമജപഘോഷയാത്രയുടെ സമയത്ത് കൃഷ്ണകുമാറിനെതിരെ പൊലീസ് കേസെടുക്കുകയും അറസ്റ്റ് ചെയ്ത് ജയിലില് അടയ്ക്കുകയും ചെയ്തിരുന്നു. അക്കാലത്ത് ബിജെപി നേതാക്കള് പിന്തുണയ്ക്കാത്തതിലെ അതൃപ്തിയാണ് കൃഷ്ണകുമാറിന്റേയും സംഘത്തിന്റേയും സിപിഐഎം പ്രവേശനത്തിനു പിന്നിലെന്നാണ് റിപ്പോര്ട്ടുകള്.
തിരുവനന്തപുരം ∙ മുഖ്യമന്ത്രി പിണറായി വിജയനുമായും സംസ്ഥാന സർക്കാരുമായും ഇടഞ്ഞുനിൽക്കുന്ന ഗവര്ണർ ആരിഫ് മുഹമ്മദ് ഖാനെ കടന്നാക്രമിച്ച് സിപിഎം സംസ്ഥാന more...
ഐഫോൺ ചിലർക്ക് ഒരു സ്റ്റാറ്റസ് സിമ്പലാണ്…മറ്റ് ചിലർക്ക് സുരക്ഷ ഉറപ്പ് നൽകുന്ന ഇനം ടോപ് മോഡൽ ഫോണും…എന്നാൽ ധീരജിന് ഐഫോൺ more...
അനാവശ്യമായി ഹോണ് മുഴക്കിയാല് ഇനി പണി കിട്ടും.മുന്നറിയിപ്പുമായി കേരള പൊലീസ് രംഗത്തെത്തിരിക്കുകയാണ്. ഹോണ് നീട്ടിമുഴക്കിയില്ലെങ്കില് എന്തോ കുറവു പോലെയാണ് ചിലര്ക്കെന്നും more...
കേരളത്തിൽ ആദ്യമൊയി മൊബൈൽ ഫോൺ കോൾ എത്തിയിട്ട് ഇന്ന് 26 വർഷം തികയുന്നു. 1996 സെപ്റ്റംബർ 17നാണ് ആദ്യമായി കേരളത്തിൽ more...
തിരുപ്പതി വെങ്കടാചലപതി ക്ഷേത്രത്തിൽ ദർശനം നടത്തി റിലയൻസ് ഇൻഡസ്ട്രീസ് ചെയർമാൻ മുകേഷ് അംബാനി. ക്ഷേത്രത്തിലേക്ക് ഒന്നരക്കോടി രൂപയും സംഭാവന ചെയ്തു. more...
ഐഫോൺ ചിലർക്ക് ഒരു സ്റ്റാറ്റസ് സിമ്പലാണ്…മറ്റ് ചിലർക്ക് സുരക്ഷ ഉറപ്പ് നൽകുന്ന ഇനം .....
കേരളത്തിൽ ആദ്യമൊയി മൊബൈൽ ഫോൺ കോൾ എത്തിയിട്ട് ഇന്ന് 26 വർഷം തികയുന്നു. .....
ദില്ലി: 70 വർഷത്തിന് ശേഷം ഇന്ത്യയിലേക്കെത്തി ചീറ്റപുലികൾ. ഇന്നലെ നമീബിയയില് നിന്നും പുറപ്പെട്ട .....
കോട്ടയം∙ കഴിഞ്ഞ ശനിയാഴ്ച മംഗളൂരു – തിരുവനന്തപുരം എക്സ്പ്രസിൽ(16348) സഞ്ചരിക്കവേ ട്രെയിനിനു നേരെയുണ്ടായ .....
ന്യൂഡൽഹി∙ എലിസബത്ത് രാജ്ഞിയുടെ സംസ്കാരചടങ്ങുകളിൽ രാഷ്ട്രപതി ദ്രൗപദി മുർമു പങ്കെടുക്കും. രാജ്ഞിയുടെ സംസ്കാരച്ചടങ്ങിൽ .....