News Beyond Headlines
03 Sunday
May
May
ഓര്ത്തഡോക്സ് യാക്കോബായ പള്ളി തര്ക്കവുമായി ബന്ധപ്പെട്ട കേസുകള് ഹൈക്കോടതി ഇന്ന് വീണ്ടും പരിഗണിക്കും. പള്ളിയില് പ്രവേശിക്കാന് പോലീസ് സംരക്ഷണമാവശ്യപ്പെട്ടുള്ള ഹര്ജികളാണ് ജസ്റ്റിസ് ദേവന് രാമചന്ദ്രന്റെ മുന്നിലുള്ളത്. പള്ളിത്തര്ക്കം സംബന്ധിച്ചുള്ള സുപ്രീം കോടതി വിധി നടപ്പിലാക്കാന് സര്ക്കാര് ബാധ്യസ്ഥമാണെന്നും, ചര്ച്ചകളിലൂടെ ഇരു സഭകളും ഉചിതമായ തീരുമാനമെടുക്കണമെന്നുമാണ് കോടതിയുടെ നിലപാട്. ജഡ്ജിമാരെ ഭയപ്പെടുത്തി കേസ് പരിഗണിക്കുന്നതില് നിന്ന് പിന്മാറാന് ചിലര് ശ്രമിക്കുന്നതായി ജസ്റ്റിസ് ദേവന് രാമചന്ദ്രന് പറഞ്ഞിരുന്നു. എന്ത് സംഭവിച്ചാലും കേസ് പരിഗണിക്കുന്നതില് നിന്ന് പിന്മാറില്ലെന്നും ജസ്റ്റിസ് ദേവന് രാമചന്ദ്രന് വ്യക്തമാക്കിയിട്ടുണ്ട്. ഓര്ത്തഡോക്സ് - യാക്കോബായ പള്ളിത്തര്ക്ക വിഷയം പരിഗമിക്കവേ കഴിഞ്ഞ ആഴ്ച കോടതിരൂക്ഷ വിമര്ശനം നടത്തിയിരുന്നു. പൊലീസിനെ ഉപയോഗിച്ചേ മതിയാകൂവെന്നതാണ് ഒരു വിഭാഗത്തിന്റെ താല്പര്യം. കോടതി അത്തരം നിലപാടിലേക്ക് കടക്കാത്തത് ദൗര്ബല്യമായി കണക്കാക്കരുതെന്നും അന്ന് ജസ്റ്റിസ് ദേവന് രാമചന്ദ്രന് പറഞ്ഞു. പൊലീസ് സംരക്ഷണമാവശ്യപ്പെട്ട് വിവിധ പള്ളിക്കമ്മിറ്റികള് നല്കിയ ഹര്ജികള് പരിഗണിക്കവെയായിരുന്നു വിമര്ശനം 1934 ലെ ഭരണഘടനയില് പങ്കാളിത്ത ഭരണമാണ് നിഷ്കര്ഷിച്ചിട്ടുള്ളത്. എന്തുകൊണ്ട് 34-ലെ ഭരണഘടന അംഗീകരിക്കാന് തയ്യാറാകുന്നില്ലെന്നും കോടതി ആരാഞ്ഞു. അതേ സമയം റിട്ട. ജസ്റ്റിസ് കെ.ടി തോമസ് കമ്മിഷന് ശുപാര്ശകള് സംബന്ധിച്ച് തീരുമാനമെടുക്കേണ്ടത് സര്ക്കാരാണ്. വിഷയത്തില് സുപ്രീംകോടതി വിധി നടപ്പിലാക്കിയേ മതിയാകൂവെന്നും ഹൈക്കോടതി ചൂണ്ടിക്കാട്ടി. മറ്റൊരു ഹര്ജിയില് നിയമം കൊണ്ടുവരാന് ഉദ്ദേശിക്കുന്നുണ്ടോയെന്ന് സര്ക്കാരിനോട് ഹൈക്കോടതി ചോദിച്ചിരുന്നു. നിയമനിര്മ്മാണം സംബന്ധിച്ച് നിലപാടറിയിക്കാന് സര്ക്കാരിനോട് ഹൈക്കോടതി നിര്ദേശിച്ചിരുന്നു. അതേസമയം റിട്ടയേഡ് ജസ്റ്റിസ് കെടി തോമസ് കമ്മീഷന് കമ്മീഷന് ശുപാര്ശകള് പരിഗണനയിലെന്ന് സര്ക്കാര് ഹൈക്കോടതിയില് അറിയിച്ചു. അതേസമയം പള്ളിത്തര്ക്കത്തില് ജസ്റ്റിസ് കെ ടി തോമസ് കമ്മീഷന് ശുപാര്ശ അംഗീകരിക്കാനാവില്ലെന്ന് മലങ്കര ഓര്ത്തഡോക്സ് സഭ പരമാധ്യക്ഷന് ബസേലിയോസ് മാര്ത്തോമ മാത്യൂസ് തൃതീയന് കത്തോലിക്ക ബാവ വ്യക്തമാക്കിയിട്ടുണ്ട്. സുപ്രീംകോടതി വിധിയെ ലംഘിച്ചുകൊണ്ടുള്ള നിയമനിര്മ്മാണത്തിന് സാധുതയില്ല. സര്ക്കാര് നിയമ നിര്മ്മാണത്തിന് പോകുമെന്ന് ഇതുവരെ പ്രഖ്യാപിച്ചിട്ടില്ല. കോടതി വിധി നടപാക്കാന് ആര്ജ്ജവമുള്ള സര്ക്കാരാണ് ഭരിക്കുന്നത്. പള്ളിത്തര്ക്കത്തില് നിയമം നിയമത്തിന്റെ വഴിയെന്ന സഭയുടെ മുന് നിലപാടില് മാറ്റമില്ലെന്നും ബസേലിയോസ് മാര്ത്തോമ മാത്യൂസ് തൃതീയന് കത്തോലിക്ക ബാവ പറഞ്ഞിരുന്നു. ഓര്ത്തഡോക്സ് യാക്കോബായ വിഭാഗങ്ങള് തമ്മില് തര്ക്കം നിലനില്ക്കുന്ന പള്ളികളില് ഹിത പരിശോധന വേണമെന്ന ജസ്റ്റിസ് കെടി തോമസ് കമ്മീഷന് ശുപാര്ശയാണ് വിവാദത്തിലായത്. ശുപാര്ശ പുറത്ത് വന്നതിന് പിന്നാലെ കമ്മീഷനെതിരെ രൂക്ഷ വിമര്ശനങ്ങളുമായി ഓര്ത്തഡോക്സ് സഭ രംഗത്തെത്തിയിരുന്നു. കമ്മീഷന് ശുപാര്ശയെ സ്വാഗതം ചെയ്യുന്ന നിലപാടാണ് യാക്കോബായ സഭയുടെത്.
തിരുവനന്തപുരം ∙ മുഖ്യമന്ത്രി പിണറായി വിജയനുമായും സംസ്ഥാന സർക്കാരുമായും ഇടഞ്ഞുനിൽക്കുന്ന ഗവര്ണർ ആരിഫ് മുഹമ്മദ് ഖാനെ കടന്നാക്രമിച്ച് സിപിഎം സംസ്ഥാന more...
ഐഫോൺ ചിലർക്ക് ഒരു സ്റ്റാറ്റസ് സിമ്പലാണ്…മറ്റ് ചിലർക്ക് സുരക്ഷ ഉറപ്പ് നൽകുന്ന ഇനം ടോപ് മോഡൽ ഫോണും…എന്നാൽ ധീരജിന് ഐഫോൺ more...
അനാവശ്യമായി ഹോണ് മുഴക്കിയാല് ഇനി പണി കിട്ടും.മുന്നറിയിപ്പുമായി കേരള പൊലീസ് രംഗത്തെത്തിരിക്കുകയാണ്. ഹോണ് നീട്ടിമുഴക്കിയില്ലെങ്കില് എന്തോ കുറവു പോലെയാണ് ചിലര്ക്കെന്നും more...
കേരളത്തിൽ ആദ്യമൊയി മൊബൈൽ ഫോൺ കോൾ എത്തിയിട്ട് ഇന്ന് 26 വർഷം തികയുന്നു. 1996 സെപ്റ്റംബർ 17നാണ് ആദ്യമായി കേരളത്തിൽ more...
തിരുപ്പതി വെങ്കടാചലപതി ക്ഷേത്രത്തിൽ ദർശനം നടത്തി റിലയൻസ് ഇൻഡസ്ട്രീസ് ചെയർമാൻ മുകേഷ് അംബാനി. ക്ഷേത്രത്തിലേക്ക് ഒന്നരക്കോടി രൂപയും സംഭാവന ചെയ്തു. more...
ഐഫോൺ ചിലർക്ക് ഒരു സ്റ്റാറ്റസ് സിമ്പലാണ്…മറ്റ് ചിലർക്ക് സുരക്ഷ ഉറപ്പ് നൽകുന്ന ഇനം .....
കേരളത്തിൽ ആദ്യമൊയി മൊബൈൽ ഫോൺ കോൾ എത്തിയിട്ട് ഇന്ന് 26 വർഷം തികയുന്നു. .....
ദില്ലി: 70 വർഷത്തിന് ശേഷം ഇന്ത്യയിലേക്കെത്തി ചീറ്റപുലികൾ. ഇന്നലെ നമീബിയയില് നിന്നും പുറപ്പെട്ട .....
കോട്ടയം∙ കഴിഞ്ഞ ശനിയാഴ്ച മംഗളൂരു – തിരുവനന്തപുരം എക്സ്പ്രസിൽ(16348) സഞ്ചരിക്കവേ ട്രെയിനിനു നേരെയുണ്ടായ .....
ന്യൂഡൽഹി∙ എലിസബത്ത് രാജ്ഞിയുടെ സംസ്കാരചടങ്ങുകളിൽ രാഷ്ട്രപതി ദ്രൗപദി മുർമു പങ്കെടുക്കും. രാജ്ഞിയുടെ സംസ്കാരച്ചടങ്ങിൽ .....