മറ്റക്കുഴിയിലെ യുവാവിന്റെ മരണം കൊലപാതകമെന്ന് സംശയം: സഹോദരന്‍ കസ്റ്റഡിയില്‍, അമ്മ നിരീക്ഷണത്തില്‍

മറ്റക്കുഴിയിലെ യുവാവിന്റെ മരണം കൊലപാതകമാണെന്ന് സംശയം. മറ്റക്കുഴി സ്വദേശി ശ്രീനാഥിന്റെ (29) മരണത്തിലാണ് പൊലീസ് അന്വേഷണം ആരംഭിച്ചത്. ചൊവ്വാഴ്ചയാണ് ശ്രീനാഥിനെ മരിച്ച നിലയില്‍ കണ്ടെത്തിയത്. മരണവുമായി ബന്ധപ്പെട്ട് ശ്രീനാഥിന്റെ സഹോദരന്‍ ശ്രീകാന്തിനെ പൊലീസ് കസ്റ്റഡിയിലെടുത്തിട്ടുണ്ട്. ശ്രീനാഥിന്റേയും ശ്രീകാന്തിന്റേയും അമ്മയായ ഡോ.സതിയും പൊലീസ് നിരീക്ഷണത്തിലാണുള്ളത്. വീട്ടില്‍ വച്ചുണ്ടായ തര്‍ക്കത്തിനിടെ ശ്രീകാന്തിന്റെ കുത്തേറ്റ് ശ്രീനാഥ് മരിച്ചെന്നാണ് പൊലീസിന്റെ സംശയം. കൊലപാതക വിവരം പുറത്തറിയാതിരിക്കാന്‍ ഇവരുടെ മാതാവായ സതി കൂട്ടുനിന്നെന്നും പൊലീസ് കുരതുന്നു. കുത്തേറ്റ നിലയില്‍ ആശുപത്രിയിലെത്തിയ ശ്രീനാഥിനെ കണ്ട ഡോക്ടര്‍ക്ക് മുറിവില്‍ സംശയം തോന്നുകയും പൊലീസിനെ അറിയിക്കുകയുമായിരുന്നു. ശ്രീനാഥിന്റെ മൃതദേഹം പോസ്റ്റ്‌മോര്‍ട്ടത്തിന് ശേഷം മോര്‍ച്ചറിയിലേക്ക് മാറ്റിയിരിക്കുകയാണ്.