എല്‍ ജെ ഡി വിമതര്‍ക്കെതിരെ നടപടി; സുരേന്ദ്രന്‍ പിള്ളയെ സസ്പെന്‍ഡ് ചെയ്തു; നടപടി അംഗീകരിക്കില്ലെന്ന് വിമതര്‍

എല്‍ ജെ ഡിയില്‍ വിമതര്‍ക്കെതിരെ നടപടി. വി സുരേന്ദ്രന്‍ പിള്ളയെ സസ്പെന്‍ഡ് ചെയ്തു. ഷേഖ് പി ഹാരിസിനെ സംസ്ഥാന ജനറല്‍ സെക്രട്ടറി സ്ഥാനത്ത് നിന്ന് നീക്കി. മറ്റ് രണ്ട് സംസ്ഥാന ഭാരവാഹികളേയും തത്സ്ഥാനത്ത് നിന്ന് നീക്കി. വിമത യോഗത്തെ കുറിച്ച് വിശദീകരണം നല്‍കാത്തതിനെ തുടര്‍ന്നാണ് നടപടി. എല്‍.ജെ.ഡി സംസ്ഥാന പ്രസിഡന്റ് എം.വി ശ്രേയാംസ് കുമാറാണ് നടപടിയെടുത്തത്. എന്നാല്‍ നടപടി അംഗീകരിക്കുന്നില്ലെന്ന് വിമതര്‍ മറുപടി നല്‍കി. നടപടിയെടുക്കാന്‍ ശ്രെയാംസ് കുമാറിന് അധികാരമില്ല. സംസ്ഥാന ഭാരവാഹികളെ നിയമിച്ചത് ദേശിയ നേതൃത്വമാണ്. സംസ്ഥാന കൗണ്‍സില്‍ വിളിച്ച് ചേര്‍ക്കുമെന്നുമാണ് വിമത വിഭാഗത്തിന്റെ മറുപടി. കഴിഞ്ഞ ദിവസം ചേര്‍ന്ന എല്‍ ജെ ഡി ഭരവാഹി യോഗത്തിലാണ് വിമതപക്ഷത്തെ പ്രധാന നേതാക്കളെ പുറത്താക്കാന്‍ ധാരണയായത്. ശ്രേയാംസ് കുമാറിനെ സംസ്ഥാന പ്രസിഡന്റ് സ്ഥാനത്ത് നിന്ന് പുറത്താക്കണമെന്നായിരിന്നു വിമതപക്ഷത്തിന്റെ ആവശ്യം. വിമതരോടൊപ്പം നിന്ന മലപ്പുറം ആലപ്പുഴ ജില്ലാ പ്രസിഡണ്ട് മാര്‍ക്കെതിരെയും നടപടിയുണ്ട്.