തിരുവല്ലയില്‍ സിപിഎം നേതാവിനെ കുത്തിക്കൊന്നു

തിരുവല്ലയില്‍ സിപിഎം പ്രാദേശിക നേതാവിനെ കുത്തിക്കൊന്നു. പെരിങ്ങര ലോക്കല്‍ സെക്രട്ടറി പി ബി സന്ദീപ് കുമാറാണ് കൊല്ലപ്പെട്ടത്. രാത്രി എട്ട് മണിയോടെ മേപ്രാലില്‍ വച്ചാണ് ആക്രമണമുണ്ടായത്. തിരുവല്ല താലൂക്ക് ആശുപത്രിയിലെത്തിച്ചെങ്കിലും മരിക്കുകയായിരുന്നു. മുന്‍ പഞ്ചായത്ത് അംഗമായിരുന്നു സന്ദീപ് കുമാര്‍. നെഞ്ചില്‍ ആഴത്തില്‍ കുത്തേറ്റിരുന്നതായി സിപിഐഎം നേതാക്കള്‍ വ്യക്തമാക്കി. കൊലപാതകത്തിന് പിന്നിലുള്ള കരണത്തെക്കുറിച്ചോ പ്രകോപനത്തെ പറ്റിയോ സിപിഐഎമ്മിന്റെ ഭാഗത്തുനിന്നോ ഏരിയ നേതൃത്വത്തിന്റെ ഭാഗത്തുനിന്നോ വിശദീകരണം ഉണ്ടായിട്ടില്ല. അജ്ഞാത സംഘമാണ് ആക്രമിച്ചതെന്നാണ് പ്രദേശത്തെ സിപിഐ എം പ്രവര്‍ത്തകര്‍ നല്‍കുന്ന വിവരം. ആരാണ് സംഭവത്തിന് പിന്നെലെന്ന് യാതൊരു സൂചനയും ലഭിച്ചിട്ടില്ല.