ന്യൂനപക്ഷങ്ങള്‍ ആക്രമിക്കപ്പടുന്നു; വര്‍ഗീയ നിലപാട് സ്വീകരിക്കുന്നത് ആര്‍എസ്എസ് : മുഖ്യമന്ത്രി

ഏറ്റവും വലിയ വര്‍ഗീയ നിലപാട് സ്വീകരിക്കുന്നത് ആര്‍ എസ് എസ് എന്ന് മുഖ്യമന്ത്രി പിണറായി വിജയന്‍. അക്രമത്തിനിരയാകുന്നവരില്‍ കൂടുതലും മുസ്ലിംമുകളാണ്. രാജ്യത്ത് വിവിധയിടങ്ങളില്‍ ന്യൂനപക്ഷങ്ങള്‍ ആക്രമിക്കപ്പടുന്നു. അക്രമങ്ങളെ തള്ളിപ്പറയാന്‍ നേതൃത്വം നല്‍കുന്നവര്‍ തയ്യാറാകുന്നില്ല. മുസ്ലിം മത മൗലിക വാദത്തെ എതിര്‍ക്കുന്നത് മുസ്ലിംങ്ങള്‍ തന്നെയെന്നും അദ്ദേഹം പറഞ്ഞു. ഒരു വര്‍ഗീയതയെ നേരിടാന്‍ മറ്റൊരു വര്‍ഗീയതയല്ല വേണ്ടത്. എസ്ഡിപിഐ യെ കൊണ്ട് ആര്‍ എസ്എസിനും സംഘപരിവാറിനും മാത്രമാണ് ഗുണമെന്നും മുഖ്യമന്ത്രി കൂട്ടിച്ചേര്‍ത്തു. ഇതിനിടെ കോണ്‍ഗ്രസ് രാജ്യത്തിന് ബദലല്ലെന്ന് മുഖ്യമന്ത്രി പറഞ്ഞു. കോണ്‍ഗ്രസിന്റെ തലതൊട്ടപ്പന്‍ തന്നെ ഹിന്ദു രാഷ്ട്രം ആവശ്യപ്പെടുന്നു. ബി ജെ പി സര്‍വനാശം വിതയ്ക്കുന്ന സംവിധാനമെന്നും അദ്ദേഹം ആരോപിച്ചു. ബദലിന് ബദല്‍ നയം വേണം. സാമ്പത്തിക, വര്‍ഗീയ വിഷയങ്ങില്‍ കോണ്‍ഗ്രസിന് ബദല്‍ നയമില്ലെന്നാണ് മുഖ്യമന്ത്രിയുടെ ആക്ഷേപം. അതേസമയം കെ റെയില്‍ പദ്ധതി വേണ്ടെന്ന് മുഷ്‌ക് കാണിച്ചാല്‍ അംഗീകരിച്ച് നല്‍കില്ലെന്ന് മുഖ്യമന്ത്രി പിണറായി വിജയന്‍. നാടിന് ആവശ്യമെങ്കില്‍ പദ്ധതി നടപ്പാക്കും. ജനങ്ങളുടെ ന്യായമായ എതിര്‍പ്പ് പരിഗണിക്കും. അല്ലാത്ത നിലപാടിനെ അംഗീകരിക്കില്ല. നവകേരളത്തിന് വേണ്ടിയാണ് കെ റെയില്‍ പദ്ധതിയെന്നും വ്യക്തതയ്ക്ക് വേണ്ട കാര്യം സര്‍ക്കാര്‍ ചെയ്യുമെന്നും മുഖ്യമന്ത്രി വ്യക്തമാക്കി.