സ്‌കൂള്‍ വിദ്യാര്‍ത്ഥിനിയെ അടച്ചിട്ട ബസിനുള്ളില്‍വെച്ച് രണ്ടു തവണ പീഡിപ്പിച്ചുവെന്ന് പ്രതിയുടെ മൊഴി

പാലാ: പതിമൂന്നുകാരിയായ സ്‌കൂള്‍ വിദ്യാര്‍ത്ഥിനിയെ ബസിനുള്ളില്‍ വെച്ച് രണ്ടു തവണ പീഡിപ്പിച്ചുവെന്ന് പ്രതിയും ബസ് കണ്ടക്ടറുമായ സംക്രാന്തി തുണ്ടിപ്പറമ്ബില്‍ അഫ്സല്‍ (32). പൊലീസിന്റെ പിടിയിലാകുന്ന ദിവസമാണ് വിദ്യാര്‍ത്ഥിനിയെ അടിച്ചിട്ട ബസിനുള്ളില്‍ രണ്ടു തവണ പീഡിപ്പിച്ചതെന്ന് പ്രതി പൊലീസിനോട് വെളിപ്പെടുത്തി. ഇതിനുശേഷം പ്രകൃതിവിരുദ്ധ പീഡനത്തിനായി പെണ്‍കുട്ടിയെ നിര്‍ബന്ധിച്ചുകൊണ്ടിരിക്കെയാണ് പ്രതി അഫ്സലിനെ പൊലീസ് പിടികൂടിയത്. പാലാ കൊട്ടാരമറ്റം ബസ് സ്റ്റാന്‍ഡില്‍വെച്ചായിരുന്നു പീഡനം നടന്നത്. സംഭവ സ്ഥലത്ത് പുല്ലത്തില്‍ ബസില്‍ തെളിവെടുപ്പിനിടെയാണ് പ്രതി അഫ്സല്‍ ഇക്കാര്യം വെളിപ്പെടുത്തിയത്. സംഭവം നടന്ന ദിവസംതന്നെ പുല്ലത്തില്‍ ബസ് പൊലീസ് കസ്റ്റഡിയില്‍ എടുത്തിരുന്നു. പ്രണയം നടിച്ച് പെണ്‍കുട്ടിയെ ബസ് കണ്ടക്ടര്‍ ബസിനുള്ളില്‍ പീഡിപ്പിക്കുകയായിരുന്നു. ബസിന്റെ പുറകുവശത്തെ വാതിലിന്റെ തൊട്ടുമുന്നിലെ സീറ്റില്‍ ഇരുത്തിയാണ് പീഡനം നടത്തിയതെന്ന് അഫ്സല്‍ പറഞ്ഞു. ബസിന്റെ ഷട്ടറുകളെല്ലാം അടഞ്ഞ നിലയിലായിരുന്നു. സംഭവം നടക്കുന്നതിനു മുന്‍പ് ഡ്രൈവര്‍ എബിനും മറ്റൊരു കണ്ടക്ടറും ഓടിരക്ഷപെട്ടിരുന്നു.