യൂട്യൂബില്‍ പാടിപ്പിക്കാമെന്നു പ്രലോഭിപ്പിച്ച് ആണ്‍കുട്ടിയെ പീഡിപ്പിച്ച മൂന്നുപേര്‍ അറസ്റ്റില്‍

കുറ്റിപ്പുറം: യൂട്യൂബ് ചാനലില്‍ പാട്ടുപാടിപ്പിക്കാമെന്നു പ്രലോഭിപ്പിച്ച് 12 വയസ്സുകാരനെ പ്രകൃതിവിരുദ്ധ പീഠനത്തിനിരയാക്കിയ കേസില്‍ മൂന്നുപേര്‍ അറസ്റ്റില്‍. പട്ടിക്കാട് സ്വദേശി വെള്ളിമേല്‍ തിരുത്തിയാംപുറത്ത് ഉമ്മര്‍ (55), കീഴാറ്റൂര്‍ സ്വദേശികളായ പാറമ്മല്‍ ഉസാമ (47), ചോലക്കാടന്‍ ഉമ്മര്‍ (36) എന്നിവരെയാണ് പോക്‌സോ നിയമപ്രകാരം കുറ്റിപ്പുറം സി.ഐ. ശശീന്ദ്രന്‍ മേലയിലും സംഘവും അറസ്റ്റുചെയ്തത്.വിവിധ സ്ഥലങ്ങളില്‍ കൊണ്ടുപോയാണ് കുട്ടിയെ പീഡിപ്പിച്ചത്. കുട്ടിയുടെ പെരുമാറ്റത്തില്‍ സംശയംതോന്നിയ മാതാവ് ഡോക്ടറെ കാണിച്ചപ്പോഴാണ് പീഡനവിവരം അറിയുന്നത്. യൂട്യൂബില്‍ പാടിപ്പിക്കാമെന്നു പറഞ്ഞു കുട്ടിയുടെയും കുടുംബത്തിന്റെയും വിശ്വാസം നേടിയെടുത്ത പ്രതികള്‍ പിന്നീട് പലപ്പോഴും കുട്ടിയെ തനിച്ചാണ് വീട്ടില്‍നിന്നു കൊണ്ടുപോയത്. കുട്ടിക്ക് മൊബൈല്‍ഫോണും പണവും മറ്റും പ്രതികള്‍ നല്‍കി. ചോലക്കാടന്‍ ഉമ്മര്‍ ഒരു യൂട്യൂബ് ചാനല്‍ നടത്തുന്നുണ്ട്. ഉസാമ നാട്ടിലെ അറിയപ്പെടുന്ന പൊതുപ്രവര്‍ത്തകനാണ്. പ്രതികളെ തിരൂര്‍ കോടതി റിമാന്‍ഡ് ചെയ്തു.