മുഖ്യമന്ത്രി ഇന്ന് എത്തില്ല; ദുബായ് എക്‌സ്‌പോയിലെ കേരള പവലിയന്‍ ഉദ്ഘാടനം ചെയ്യും

അമേരിക്കയിലുള്ള മുഖ്യമന്ത്രി പിണറായി വിജയന്‍ ഇന്ന് കേരളത്തില്‍ മടങ്ങിയെത്തില്ല. മുഖ്യമന്ത്രി ഇന്ന് അമേരിക്കയില്‍ നിന്നും ദുബായിലെത്തും. ഒരാഴ്ച മുഖ്യമന്ത്രി യുഎഇലെ വിവിധ എസ്റ്റേറ്റുകള്‍ സന്ദര്‍ശിക്കും. ദുബായ് എക്‌സ്‌പോയിലെ കേരള പവലിയന്‍ മുഖ്യമന്ത്രി ഉദഘാടനം ചെയ്യും. സുഖമുണ്ടെന്നും മുന്‍ നിശ്ചയപ്രകാരം ഇന്ന് തിരിച്ചെത്തുമെന്നും മുഖ്യമന്ത്രി ഇന്നലെ ഓണ്‍ലൈന്‍ മന്ത്രിസഭായോഗത്തില്‍ പറഞ്ഞു. എന്നാല്‍ അമേരിക്കയില്‍ നിന്ന് തിരിക്കുന്ന മുഖ്യമന്ത്രി ഇന്ന് ദുബായിലെത്തിയ ശേഷമായിരിക്കും തിരുവനന്തപുരത്തെത്തുക. ഈ മാസം 15നാണ് മുഖ്യമന്ത്രി അമേരിക്കയിലേക്ക് പോയത്.