കാര്‍ ഇടിച്ച് മത്സ്യത്തൊഴിലാളി മരിച്ച സംഭവം; യുവാക്കള്‍ക്കെതിരെ പോക്‌സോ കേസ്

കൊച്ചി: കാര്‍ ഇടിച്ച് മത്സ്യത്തൊഴിലാളി മരിച്ച സംഭവത്തില്‍ കാറോടിച്ച യുവാക്കള്‍ക്കെതിരെ പൊലീസ് പോക്‌സോ കേസെടുത്തു. മയക്കുമരുന്ന് കൈവശം വെച്ചതിനും കേസ് രെജിസ്റ്റര്‍ ചെയിതിട്ടുണ്ട്. അപകടമുണ്ടായ കാറില്‍ രണ്ട് വിദ്യാര്‍ത്ഥിനികളും ഉണ്ടായിരുന്നു.അപകടത്തിന് പിന്നാലെ വിദ്യാര്‍ത്ഥിനികള്‍ രക്ഷപ്പെടുകയായിരുന്നു. ഇവരെ ചോദ്യം ചെയ്തപ്പോഴാണ് തങ്ങളെ ലൈംഗികമായി യുവാക്കള്‍ ചൂഷണം ചെയ്തതായി കുട്ടികള്‍ മൊഴി നല്‍കിയത്. മയക്കുമരുന്ന് നല്‍കിയ ശേഷമായിരുന്നു ലൈംഗിക ചൂഷണം. വ്യാഴാഴ്ച രാത്രി കലൂരിലായിരുന്നു വാഹനാപകടം ഉണ്ടായത്. യുവാക്കള്‍ മയക്കുമരുന്ന് ലഹരിയില്‍ കാര്‍ ഓടിച്ചതാണ് അപകടം ഉണ്ടാക്കിയത്. കാര്‍ പരിശോധനയില്‍ എംഡിഎംഎ, കഞ്ചാവ് ബീഡി എന്നിവ കണ്ടെത്തിയിരുന്നു.വിദ്യാര്‍ത്ഥിനികളുടെ മൊഴിയുടെ അടിസ്ഥാനത്തിലാണ് രണ്ട് യുവാക്കള്‍ക്കെതിരെ പോക്‌സോ കേസ് കൂടി രജിസ്റ്റര്‍ ചെയ്തത്. പ്രതികളെ കൂടുതല്‍ ചോദ്യം ചെയ്തപ്പോലാണ് പെണ്‍കുട്ടികളെ ലൈംഗിക ചൂഷണം ചെയ്തു എന്ന് മൊഴി ലഭിച്ചത്. എരൂര്‍ സ്വദേശി ജിത്തു, തൃപ്പുണിത്തുറ സ്വദേശി സോണി സെബാസ്റ്റ്യന്‍ എന്നിവര്‍ക്കെതിരെയാണ് കേസെടുത്തത്.