യാത്രയാക്കാനെത്തി അനു അന്ത്യയാത്രയായി; ദുരന്തം കാല്‍ തെന്നി ട്രെയിനിനടിയിലേക്ക് വീണ്

തിരുവല്ല : ഉറ്റ ബന്ധുവിനെ യാത്രയാക്കാനെത്തി അനു അന്ത്യയാത്രയായി. യുവതിക്കുണ്ടായ ദുരന്തം കാല്‍ തെന്നി ട്രെയിനിനടിയിലേക്ക് വീണ്. ബന്ധുവിനെ ട്രെയിന്‍ കയറ്റിവിടാനെത്തിയ അനു ഓമനക്കുട്ടനാണ് ട്രെയിനില്‍ നിന്ന് വീണ് മരിച്ചത്.തിരുവല്ല റെയില്‍വേ സ്റ്റേഷനില്‍ ഇന്ന് രാവിലെ 11 മണിയോടെയാണ് സംഭവം. കുന്നന്താനം ചെങ്ങരൂര്‍ചിറ സ്വദേശി അനു ഓമനക്കുട്ടന്‍ (32) ആണ് മരിച്ചത്. രാവിലെ 11 മണിയോടെ ശബരി എക്‌സ്പ്രസ്സിന്റെ അടിയില്‍ പെട്ടാണ് അനു മരിച്ചത്. മൃതദേഹം ആശുപത്രിയിലേക്ക് മാറ്റി. ബന്ധുവിനോടൊപ്പം ട്രെയിനിന്നുള്ളില്‍ കയറിയ അനു തിരിച്ചിറങ്ങുമ്പോള്‍ ട്രെയിന്‍ നീങ്ങി തുടങ്ങുകയും കാല്‍ തെന്നി ട്രാക്കിലേക്ക് വീഴുകയുമായിരുന്നു. മിഥുനാണ് അനുവിന്റെ ഭര്‍ത്താവ്.