11 വയസ്സുകാരന്റെ ചികിത്സയ്ക്കായി 31 ലക്ഷം രൂപ സംഭാവന നല്‍കി കെഎല്‍ രാഹുല്‍

11 വയസ്സുകാരന്റെ ചികിത്സയ്ക്കായി 31 ലക്ഷം രൂപ സംഭാവന നല്‍കി ഇന്ത്യന്‍ വിക്കറ്റ് കീപ്പര്‍ കെഎല്‍ രാഹുല്‍. മജ്ജ വാറ്റിവെക്കല്‍ ശസ്ത്രക്രിയക്കായാണ് രാഹുല്‍ വരദ് എന്ന കുട്ടിയെ സഹായിച്ചത്. വരദിനായി ധനസമാഹരണം നടക്കുന്നുണ്ടെന്നറിഞ്ഞ രാഹുല്‍ സഹായവുമായി എത്തുകയായിരുന്നു. ശസ്ത്രക്രിയ വിജയകരമായിരുന്നു എന്ന് രാഹുല്‍ അറിയിച്ചു. ''വരദിന്റെ സ്ഥിതിയെപ്പറ്റി അറിഞ്ഞപ്പോള്‍ ഞാന്‍ സഹായവാഗ്ധാനം നടത്തുകയായിരുന്നു. ശസ്ത്രക്രിയ വിജയകരമായിരുന്നു എന്നതില്‍ എനിക്ക് സന്തോഷമുണ്ട്. കുട്ടി ആരോഗ്യത്തോടെയിരിക്കുന്നു. എത്രയും വേഗം വരദ് കിടക്ക വിട്ട് എഴുന്നേല്‍ക്കുമെന്ന് ഞാന്‍ കരുതുന്നു. എന്റെ സഹായം നിരവധി പേര്‍ക്ക് പ്രചോദനമാകുമെന്ന് ഞാന്‍ കരുതുന്നു.''- രാഹുല്‍ പറഞ്ഞു. മകനെ സഹായിച്ച രാഹുലിന് വരദിന്റെ മാതാവ് നന്ദി അറിയിച്ചു. അദ്ദേഹം ഇല്ലായിരുന്നെങ്കില്‍ ശസ്ത്രക്രിയ നടക്കില്ലായിരുന്നു എന്ന് അവര്‍ പറഞ്ഞു.