നവകേരള നയരേഖയെ തെറ്റിദ്ധരിപ്പിക്കാന്‍ ശ്രമം കൊടിയേരി ബാലകൃഷ്ണന്‍

രേഖയെ കുറിച്ച് പഠിക്കാതെയും മനസിലാക്കാതെയും ചില മാധ്യമങ്ങള്‍ വാർത്ത നൽകിയതായി കൊടിയേരി ബാലകൃഷ്ണൻ ആരോപിച്ചു. 1956 ലെ പുതിയ കേരളമെന്ന പാർട്ടി നയത്തിന് ശേഷമുള്ള വലിയ ഇടപെടലാണ് നവകേരളമെന്നത്. 1956 ലെ പാർട്ടി നയരേഖയുടെ തുടർച്ചയാണ് നവകേരളാ രേഖ. പാർട്ടിക്ക് തുടർ ഭരണം കിട്ടിയതിനാൽ രേഖ നടപ്പാക്കാൻ ശ്രമിക്കുന്നുവെന്ന് കൊടിയേരി. 56 ലെ രേഖയിൽ സ്വകാര്യ മൂലധനമാകാമെന്ന് പറയുന്നുണ്ട്. പാർട്ടി പരിപാടികൾ പാർട്ടി കാഴ്ച്ചപാടിൽ തന്നെ നടപ്പാക്കുമെന്ന് കൊടിയേരി ഇടത് സർക്കാറിന് തുടർ ഭരണം കിട്ടിയത് ഇഷ്ടപ്പെടാത്ത ബി ജെ പി - കോൺഗ്രസുകാരാണ് രേഖയെ കുറിച്ച് തെറ്റായ പ്രചരണം നടത്തുന്നത്. ഭാവനയിൽ രേഖ കണ്ട് പുകമറ സൃഷ്ടിക്കാനുള്ള ശ്രമം, രേഖ ചർച്ചകൾക്ക് ശേഷം പുറത്ത് വരുമ്പോൾ ഇല്ലാതാകും. സർക്കാറിൻ്റെ പ്രവർത്തനരേഖയായി ഇത് മാറും. പാർട്ടി നയവുമായി രേഖയ്ക്ക് വൈരുധ്യമില്ല. നാളെയും രേഖയിൻ മേൽ ചർച്ച നടക്കും, ശേഷം അന്തിമരൂപം നൽകുമെന്നും കൊടിയേരി പറഞ്ഞു. മന്ത്രിമാർ നല്ല രീതിയിൽ പ്രവർത്തിക്കുന്നുവെന്നാണ് പാര്‍ട്ടി വിലയിരുത്തലെന്നും കൊടിയേരി പറഞ്ഞു.