വാഹനാപകടത്തില്‍ ഒരാള്‍ മരിച്ചു

അങ്കമാലി- കാലടി റോഡില്‍ വേങ്ങൂര്‍ സെന്റ്.ജോര്‍ജ് ചാപ്പലിന് മുന്നില്‍ ഇന്ന് പുലര്‍ച്ചെ നാലേമുക്കാല്‍ ന് എടപ്പാളില്‍ നിന്നും തടി കയറ്റിക്കൊണ്ടുവന്ന 407 മിനിലോറി മുന്‍പില്‍ പോയ നെല്ല് കയറ്റിക്കൊണ്ടുപോയ മറ്റൊരു വാഹനത്തിന്റെ പുറകില്‍ ഇടിച്ച് ആണ് അപകടം ഉണ്ടായത്. നെല്ല് കയറ്റിപ്പോയ വാഹനത്തിന്റെ പുറകിലാണ് മിനിലോറി ഇടിച്ചത് എങ്കിലും ആവാഹനം നിര്‍ത്തിയില്ല. മിനിലോറിയുടെ ഇടതുവശത്തെ സീറ്റില്‍ ഇരുന്ന ഉടമ കൂടിയായ എടപ്പാള്‍ സ്വദേശി പുത്തന്‍പള്ളി വീട്ടില്‍ ഷാഫിയാണ് മരിച്ചത്. വാഹനത്തില്‍ കുടുങ്ങിക്കിടന്ന ആളെ അങ്കമാലി അഗ്‌നിരക്ഷാസേന എത്തി ഹൈഡ്രോളിക് കട്ടര്‍ ഉപയോഗിച്ച് വാഹന ഭാഗങ്ങള്‍ മുറിച്ച് മാറ്റിയാണ് പുറത്തെടുത്തത് . ഉടന്‍ അങ്കമാലി ലിറ്റില്‍ ഫ്‌ളവര്‍ ആശുപത്രിയില്‍ എത്തിച്ചെങ്കിലും രക്ഷിക്കാനായില്ല. മിനി ലോറിയുടെ ഡ്രൈവര്‍ പരിക്കൊന്നും ഇല്ലാതെ അത്ഭുതകരമായി രക്ഷപ്പെട്ടു. അങ്കമാലി അഗ്‌നി രക്ഷാ നിലയത്തിലെ അസിസ്റ്റന്റ് സ്റ്റേഷന്‍ ഓഫീസര്‍ കെ. എം.അബ്ദുള്‍ നസീറിന്റെ നേതൃത്വത്തില്‍ സീനിയര്‍ ഫയര്‍ ആന്‍ഡ് റെസ്‌ക്യൂ ഓഫീസര്‍ സ്ഥലത്ത് എത്തി.