ചിറ്റൂരില്‍ 45 വയസ്സുകാരി വീടിനുള്ളില്‍ മരിച്ചനിലയില്‍; ഒപ്പം താമസിച്ചയാള്‍ പിടിയില്‍

പാലക്കാട്ന്മ ചിറ്റൂര്‍ അഞ്ചാം മൈലില്‍ വീടിനുള്ളില്‍ സ്ത്രീയെ മരിച്ച നിലയില്‍ കണ്ടെത്തി. കൊലപാതകമെന്ന സംശയത്തില്‍, കൂടെ താമസക്കുന്നയാളെ പൊലീസ് ചോദ്യം ചെയ്തു വരുന്നു. മൂങ്കില്‍മട ഇന്ദിരാനഗര്‍ കോളനി രംങ്കന്റെ മകള്‍ ജ്യോതിര്‍മണി(45) യെയാണ് മരിച്ച നിലയില്‍ കണ്ടെത്തിയത്.ഇവര്‍ക്കാപ്പം താമസിച്ചിരുന്ന തമിഴ്‌നാട് ആനമല സ്വദേശി വീരാസ്വമി(46) യെയാണ് പൊലീസ് കസ്റ്റഡിയിലെടുത്തു ചോദ്യം ചെയ്യുന്നത്. വീരാസ്വാമിയും ജ്യോതിര്‍മണിയും ഒരു വര്‍ഷമായി അഞ്ചാം മൈല്‍ പുറമ്പോക്കില്‍ കുടില്‍ കെട്ടി ഒരുമിച്ചു താമസിച്ചു വരികയാണ്.ഞായറാഴ്ച വൈകിട്ട് അഞ്ചരയോടെ സമീപത്തു താമസിക്കുന്ന വീട്ടമ്മയെത്തി നോക്കിയപ്പോഴാണ് ജ്യോതിര്‍മണി മരിച്ചു കിടക്കുന്നത് കണ്ടത്. ഉടന്‍ പൊലീസിനെ വിവരമറിയിക്കുകയായിരുന്നു. കഴുത്ത് ഞെരിച്ചു കൊലപ്പെടുത്തിയതെന്നാണ് പ്രാഥമിക നിഗമനമെന്ന് പൊലീസ് പറഞ്ഞു.