16കാരിയെ ഓട്ടോയില്‍ കയറ്റി പലസ്ഥലങ്ങളിലെത്തിച്ച് പീഡിപ്പിച്ചു; ഓട്ടോ ഡ്രൈവറും സഹായിയും പിടിയില്‍

മറയൂര്‍: പട്ടികജാതി വിഭാഗത്തില്‍പ്പെടുന്ന 16-കാരിയെ പീഡിപ്പിച്ച കേസില്‍ ഓട്ടോ ഡ്രൈവറും സഹായിയും പിടിയിലായി. മറയൂര്‍ മേലാടി സ്വദേശികളായ കണ്ണന്‍ (44), മണികണ്ഠന്‍ (25) എന്നിവരെയാണ് മറയൂര്‍ പോലീസ് പിടികൂടിയത്. അധ്യാപകര്‍ നടത്തിയ കൗണ്‍സിലിങ്ങിലാണ് കുട്ടി പീഡനത്തിനിരയായ വിവരം പുറത്തുപറഞ്ഞത്.ഓട്ടോ ഡ്രൈവറായ കണ്ണന്‍ ഓട്ടോറിക്ഷയില്‍ കയറ്റി പല സ്ഥലങ്ങളിലെത്തിച്ച് പീഡിപ്പിച്ചതായിട്ടാണ് കേസ്. ഇവര്‍ക്ക് വേണ്ട സഹായം മണികണ്ഠന്‍ ചെയ്തു. ഇവര്‍ ഉപയോഗിച്ചിരുന്ന ഓട്ടോറിക്ഷയും പോലീസ് കസ്റ്റഡിയിലെടുത്തു. പ്രതികളെ ദേവികുളം കോടതിയില്‍ ഹാജരാക്കും. മൂന്നാര്‍ ഡിവൈ.എസ്.പി. ആര്‍.മനോജ്, മറയൂര്‍ ഇന്‍സ്പെക്ടര്‍ പി.റ്റി.ബിജോയ് എന്നിവരുടെ നേതൃത്വത്തിലാണ് കേസന്വേഷണം നടന്നുവരുന്നത്.