ജീവന് ഭീഷണി; ചൊവ്വാഴ്ച കൂടുതല്‍ കാര്യങ്ങള്‍ വെളിപ്പെടുത്തും: സ്വപ്ന സുരേഷ്

കൊച്ചി: നയതന്ത്ര സ്വര്‍ണക്കടത്തു കേസുമായി ബന്ധപ്പെട്ട കൂടുതല്‍ കാര്യങ്ങള്‍ ചൊവ്വാഴ്ച വെളിപ്പെടുത്തുമെന്ന് കേസിലെ പ്രതി സ്വപ്ന സുരേഷ്. തന്റെ ജീവനു ഭീഷണിയുണ്ട്. സ്വര്‍ണക്കടത്തുമായി ബന്ധപ്പെട്ട എല്ലാ കാര്യങ്ങളും കോടതിയോടു പറഞ്ഞു. നാളെയും മൊഴി നല്‍കും. അതിനുശേഷം മാധ്യമങ്ങളോടു കൂടുതല്‍ കാര്യങ്ങള്‍ പറയുമെന്നും സ്വപ്ന പറഞ്ഞു. എറണാകുളം ജില്ലാ കോടതിയില്‍ രഹസ്യമൊഴി നല്‍കിയ ശേഷം മാധ്യമങ്ങളോട് സംസാരിക്കുകയായിരുന്നു സ്വപ്‌ന. ജീവന് ഭീഷണിയുള്ളതിനാല്‍ തന്റെ രഹസ്യമൊഴി രേഖപ്പെടുത്തണമെന്ന് ആവശ്യപ്പെട്ട് എറണാകുളം ജില്ലാ കോടതിയില്‍ സ്വപ്ന അപേക്ഷ നല്‍കിയിരുന്നു. രഹസ്യമൊഴി രേഖപ്പെടുത്താന്‍ അനുവാദം നല്‍കിയ കോടതി, തിങ്കളാഴ്ച മൊഴിയെടുത്തു. ചൊവ്വാഴ്ചയും തുടരും.