യുവതിക്ക് ഓട്ടോയില്‍ സുഖപ്രസവം

കാഞ്ഞങ്ങാട് : ഡോക്ടറെ കാണാനായി വരികയായിരുന്ന യുവതിക്ക് ഓട്ടോയില്‍ സുഖപ്രസവം. കര്‍ണാടക സ്വദേശിയും ഏഴാംമൈലിലെ സ്വകാര്യ സ്ഥാപനത്തിലെ ജോലിക്കാരിയുമായ 33 വയസ്സുകാരിയാണ് തിങ്കളാഴ്ച ഉച്ചയോടെ ഏഴാംമൈലില്‍നിന്ന് കാഞ്ഞങ്ങാട് ജില്ലാ ആശുപത്രിയിലേക്കുള്ള യാത്രയ്ക്കിടെ ആണ്‍കുഞ്ഞിന് ജന്മം നല്‍കിയത്. പ്രസവവേദന അനുഭവപ്പെട്ടതിനെ തുടര്‍ന്ന് കല്യാണ്‍ റോഡിലെത്തുമ്പോള്‍ ഓട്ടോ അവിടെ നിര്‍ത്തുകയായിരുന്നു. ഓട്ടോഡ്രൈവര്‍ പൊടോടുക്കത്തെ സി. അശോകന്‍ ഓട്ടോറിക്ഷ നിര്‍ത്തി പ്രസവത്തിന് സൗകര്യം ഒരുക്കുകയായിരുന്നു. പിന്നീട് അമ്മയെയും കുഞ്ഞിനെയും ജില്ലാ ആശുപത്രിയിലേക്ക് മാറ്റി.