തമ്പാനൂരില്‍ മള്‍ട്ടിലെവല്‍ പാര്‍ക്കിംഗ് സിസ്റ്റം; നിര്‍മ്മാണ പുരോഗതി ഫെയ്‌സ്ബുക്കില്‍ പങ്കുവെച്ച് ആര്യ രാജേന്ദ്രന്‍

തമ്പാനൂരില്‍ നിര്‍മ്മാണം പുരോമ?ഗിക്കുന്ന മള്‍ട്ടിലെവല്‍ പാര്‍ക്കിംഗ് സിസ്റ്റത്തിന്റെ നിര്‍മ്മാണ പുരോഗതി ഫെയ്‌സ്ബുക്കില്‍ പങ്കുവെച്ച് തിരുവനന്തപുരം കോര്‍പ്പറേഷന്‍ മേയര്‍ ആര്യ രാജേന്ദ്രന്‍. തിരുവനന്തപുരം നഗരസഭ സ്മാര്‍ട്ട് സിറ്റി പദ്ധതിയില്‍ ഉള്‍പ്പെടുത്തിയാണ് മള്‍ട്ടിലെവല്‍ പാര്‍ക്കിംഗ് സിസ്റ്റം നിര്‍മ്മിക്കുന്നത്. തമ്പാനൂരില്‍ ബൈക്കുകളുടെയും കാറുകളുടെയും പാര്‍ക്കിങ്ങിന്റെ കാര്യത്തില്‍ യാത്രക്കാര്‍ വലിയ ബുദ്ധിമുട്ടാണനുഭവിക്കുന്നത്. നിര്‍മ്മാണം പുരോഗമിക്കുന്ന മള്‍ട്ടിലെവല്‍ പാര്‍ക്കിംഗ് സിസ്റ്റം സന്ദര്‍ശിക്കുന്ന ചിത്രങ്ങളും മേയര്‍ ഫെയ്‌സ്ബുക്കില്‍ പങ്കുവെച്ചിട്ടുണ്ട്. 18.89കോടി രൂപ ചെലവഴിച്ചാണ് തമ്പാനൂരില്‍ മള്‍ട്ടിലെവല്‍ പാര്‍ക്കിംഗ് സിസ്റ്റം ഒരുക്കുന്നത്. ' തിരുവനന്തപുരം നഗരസഭ സ്മാര്‍ട്ട് സിറ്റി പദ്ധതിയില്‍ ഉള്‍പ്പെടുത്തി 18.89കോടി രൂപ ചിലവഴിച്ച് തമ്പാനൂരില്‍ നിര്‍മ്മിക്കുന്ന മള്‍ട്ടിലെവല്‍ പാര്‍ക്കിംഗ് സിസ്റ്റത്തിന്റെ നിര്‍മ്മാണ പുരോഗതി വിലയിരുത്തി. ഒരേസമയം 22 കാറുകളും 400 ഇരുചക്ര വാഹനങ്ങളും പാര്‍ക്ക് ചെയ്യാവുന്ന രീതിയിലാണ് പാര്‍ക്കിംഗ് സിസ്റ്റത്തിന്റെ നിര്‍മ്മാണം' . ആര്യ രാജേന്ദ്രന്‍ ഫെയ്‌സ്ബുക്കില്‍ കുറിച്ചു.