സച്ചിന് നിവിന്റെ 1983 കാണാന്‍ ആഗ്രഹം…!

മകനെ ക്രിക്കറ്റ് താരമാക്കാന്‍ ശ്രമിക്കുന്ന അച്ഛന്റെ കഥ പറയുന്ന ചിത്രം 1983 കാണാന്‍ ആഗ്രഹമുണ്ടെന്നു സച്ചിന്‍ തെന്‍ഡുല്‍ക്കര്‍. ഒരു സ്വകാര്യ എഫ് എം ചാനലിനു നല്‍കിയ അഭിമുഖത്തിലാണു സച്ചിന്‍ ഇക്കാര്യം പറഞ്ഞത്. കുറച്ചു നാളുകള്‍ക്കു മുമ്പ് നിവിനുമായ സംസാരിച്ചപ്പോള്‍ ഈ സിനിമയെക്കുറിച്ചു കൂറെ കാര്യങ്ങള്‍ നിവിന്‍ പറഞ്ഞിരുന്നു. നിവിന്‍ പോളിക്ക് ഒപ്പമിരുന്ന് ആ ചിത്രം കാണാന്‍ ആഗ്രഹമുണ്ടെന്നും സച്ചിന്‍ പറഞ്ഞു. കുട്ടിക്കാലം മുതലേ താന്‍ സച്ചിന്റെ ആരാധകനാണെന്നും ഇഷ്ടതാരത്തെ നേരിട്ടു കണ്ടപ്പോള്‍ താന്‍ പരിഭ്രമിച്ചു പോയി എന്നും സെലിബ്രിറ്റി ക്രിക്കറ്റ് ലീഗിലെ ടീമായ കേരളസ്‌ട്രൈയ്‌ക്കേഴ്‌സിന്റെ ഓപ്പണര്‍ കൂടിയായ നിവിന്‍ പറഞ്ഞു. 1983 ഇറങ്ങിയപ്പോള്‍ തന്നെ സച്ചിനോടു പറയണം എന്നു കരുതിരുന്നു. എന്നാല്‍ അതിന് കഴിഞ്ഞിരുന്നില്ല. സിനിമയുടെ ഡിവിഡി അദ്ദേഹത്തിന്റെ മാനേജരെ ഏല്‍പ്പിക്കാമെന്നാണ് ആദ്യം കരുതിരുന്നത്. എന്നാല്‍ അതു നേരിട്ടു നല്‍കിയാല്‍ മതിയെന്നു സച്ചിന്‍ പറയുകയായിരുന്നു.