ആക്രമിക്കപ്പെട്ട പെൺകുട്ടി ഞങ്ങളുടെ മകളാണ് സഹോദരിയാണ്; കുറ്റവാളികൾ കർശനമായി ശിക്ഷിക്കപ്പെടണം : ഇ​ന്ന​സെ​ന്‍റ്

മലയാളി ന​ടി​യെ അ​പ​മാ​നി​ച്ച സം​ഭ​വ​ത്തിലെ എല്ലാ കു​റ്റ​വാ​ളി​ക​ളും ശി​ക്ഷി​ക്ക​പ്പെ​ട​ണ​മെ​ന്ന് ന​ട​നും എം​പി​യു​മാ​യ ഇ​ന്ന​സെ​ന്‍റ്. ഈ കേ​സി​ൽ ഉചിതമായ ന​ട​പ​ടി സ്വീ​ക​രി​ക്കു​മെ​ന്ന് മു​ഖ്യ​മ​ന്ത്രി​യും ഡി​ജി​പി​യും ഉ​റ​പ്പു ന​ൽ​കി​യിട്ടുണ്ടെന്നും അ​ദ്ദേ​ഹം പ​റ​ഞ്ഞു. ഈ ​ക്രൂ​ര​ത ചെ​യ്ത​വ​രോ​ട് ഒരു കാര്യം മാത്രമേ തനിക്ക് പ​റ​യാ​നു​ള്ളൂ. പരാജയം നി​ങ്ങ​ളു​ടേ​ത് മാ​ത്ര​മാ​ണ്. അ​വ​ൾ തോ​റ്റു കൊ​ടു​ക്കാ​തെ നി​ൽ​ക്കും; എ​ക്കാ​ല​വും എന്നാണ് ഇ​ന്ന​സെ​ന്‍റ് തന്റെ ഫേ​സ്‌ബുക്ക് പോസ്റ്റില്‍ കു​റി​ച്ചത്.

ഇ​ന്ന​സെ​ന്‍റി​ന്റെ ഫേസ്‌ബുക്ക് പോ​സ്റ്റിന്റെ പൂര്‍ണരൂപം:

നമ്മിലൊരാൾക്ക് നേരെ കഴിഞ്ഞ ദിവസം ഉണ്ടായ അത്യന്തം നീചമായ ആക്രമണം മനസിലേൽപ്പിച്ച നീറ്റൽ വിട്ടുമാറുന്നില്ല. ആക്രമിക്കപ്പെട്ട പെൺകുട്ടി ഞങ്ങളുടെ മകളാണ്; സഹോദരിയാണ്. കുറ്റവാളികൾ കർശനമായി ശിക്ഷിക്കപ്പെടണം. ഇതിനായി മനുഷ്യർ മുഴുവൻ, കേരളം മുഴുവൻ അവർക്കൊപ്പമുണ്ടാകണം. "അമ്മ'യും ചലച്ചിത്ര പ്രവർത്തകരും ഹൃദയം കൊണ്ട് അവരോട് ചേർന്നു നിൽക്കുന്നു.

ഏവരെയും ഞെട്ടിച്ച ആക്രമണം നടന്ന ദിവസം പുലർച്ചെയാണ് എനിക്ക് വിവരം ലഭിക്കുന്നത്. ഉടനെ മുഖ്യമന്ത്രി ശ്രീ. പിണറായി വിജയൻ, ഡി.ജി.പി ശ്രീ. ലോകനാഥ് ബെഹ്റ എന്നിവരെ നേരിൽ ബന്ധപ്പെട്ടു. സത്വര നടപടി സ്വീകരിക്കുമെന്ന് ഇരുവരും ഉറപ്പു നൽകി. അന്വേഷണത്തെ ബാധിക്കുമെന്നതിനാൽ പരസ്യ പ്രതികരണങ്ങൾ ഒഴിവാക്കണമെന്ന പോലീസിന്റെ അഭ്യർത്ഥന കൂടി കണക്കിലെടുത്താണ് ഞങ്ങൾ ഇക്കാര്യത്തിൽ തുടർന്ന് ഇടപെട്ടത്. സ്ത്രീകൾക്ക് നേരെ നടക്കുന്ന ആക്രമണങ്ങൾ ഒരു ദയയുമില്ലാതെ കർശനമായി നേരിടുക തന്നെ വേണം. പോലീസ് അന്വേഷണം ശരിയായി മുന്നേറുന്നുണ്ട്. നിരന്തരം ഇക്കാര്യങ്ങൾ ഞങ്ങൾ വിലയിരുത്തുകയും ചെയ്യുന്നു. ഞങ്ങളുടെ മകളോട്, സഹോദരിയോട് ഈ ക്രൂരത ചെയ്തവരോട് ഒന്നേ പറയാനുള്ളൂ. പരാജയം നിങ്ങളുടേത് മാത്രമാണ്. അവൾ തോറ്റു കൊടുക്കാതെ നിൽക്കും; എക്കാലവും.