കൊട്ടിയൂര്‍ പീഡനം,പള്ളിമേടയില്‍ വൈദികനുമായി തെളിവെടുപ്പ്,പള്ളിപ്പരിസരത്ത് വന്‍ സുരക്ഷ

പ്രായപൂര്‍ത്തിയാകാത്ത പെണ്‍കുട്ടിയെ പള്ളിമേടയില്‍ പീഡിപ്പിച്ച് ഗര്‍ഭിണിയാക്കിയ കേസിലെ മുഖ്യ പ്രതിയും വൈദികനുമായ റോബിന്‍ വശക്കും ചേരിയെ പള്ളിമേടയിലെത്തിച്ചു തെളിവെടുത്തു.ഇയാളെ പള്ളിമേടയില്‍ തെളിവെടുപ്പിനായി കൊണ്ടു വരുമ്പോള്‍ സുരക്ഷാ വീഴ്ചയുണ്ടാകാതിരിക്കാന്‍ വന്‍പൊലീസ് സന്നാഹമാണ് ഇവിടെ ഒരിക്കിയിരുന്നത്.കൊട്ടിയൂര്‍ നീണ്ടു നോക്കി സെന്റ് സെബാസ്റ്റ്യന്‍ സ്‌കൂള്‍ പള്ളി വികാരിയും കൊട്ടിയൂര്‍ ഐജെഎം ഹയര്‍സെക്കന്‍ഡറി സ്‌കൂള്‍ മാനേജരുമായ റോബിന്‍ വടക്കുംചേരിയെ(48)പെണ്‍കുട്ടിയുടെ പരാതിയെ തുടര്‍ന്ന് ഇന്നലെ വൈകീട്ടാണ് പൊലീസ പിടിയിലാകുന്നത്.വൈദീകന്‍ കുറ്റം സമ്മതിച്ചിട്ടുണ്ട്.കഴിഞ്ഞ 26 നാണ് പരാതി നല്‍കുന്നത്.

കുട്ടികള്‍ക്കെതിരെ അക്രമം തടയുന്നതിനുള്ള വകുപ്പാണ്(പ്രോക്‌സ)ഇയാള്‍ക്കെതിരെ ചുമത്തിയിരിക്കുന്നത്.ഈ കുറ്റം ചുമത്തുന്നതോടെ വിചാരണ കഴിയുംവരെ ഇയാള്‍ക്ക് ജാമ്യം ലഭിക്കില്ല.വൈദ്യ പരിശോധനകള്‍ക്കു ശേഷം ഇയാളെ കോടതിയില്‍ ഹാജരാക്കും.

ടകാട്ടിയൂരില്‍ പതിനൊന്നാം ക്ലാസ് വിദ്യാര്‍ത്ഥിനിയെ പീഡിപ്പിച്ച് ഗര്‍ഭിണിയാക്കുകയും തന്റെ പേര് വെളിപ്പെടുത്താതിരിക്കാന്‍ പെണ്‍കുട്ടിയില്‍ ഇയാള്‍ സമ്മര്‍ദ്ദം ചെലുത്തിയിരുന്നു.ഇതേ തുടര്‍ന്ന് പെണ്‍കുട്ടി സ്വന്തം പിതാവാണ് പ്രതിയെന്നുള്ള രീതിയിലാണ് സംഭവത്തേക്കുറിച്ച് വിശദീകരിച്ചിരുന്നത്.പിന്നീട് പെണ്‍കുട്ടി ഒരാണ്‍ കുഞ്ഞിന് ജന്മം നല്‍കുകയും ചെയ്തു.എന്നാല്‍ പെണ്‍കുട്ടിയുടെ അമ്മയുടെ ഇടപെടലാണ് യതാര്‍ത്ഥ പ്രതിയെ പൊതുസമൂഹത്തിലെത്തിക്കാന്‍ കാരണമെന്നാണ് റിപ്പോര്‍ട്ടുകള്‍.കുട്ടിയുടെ അച്ഛനാണ് പീഡകനെന്ന രീതിയില്‍ കേസിനെ വഴിതിരിച്ചു വിടാനുള്ള നീക്കവും നടന്നിരുന്നു.ഇതിനെയെല്ലാം അതിജീവിച്ചാണ് ഇപ്പോള്‍ വൈദീകന്‍ അറസ്റ്റിലായിരിക്കുന്നതെന്ന് പേരാവൂര്‍ പൊലീസ് അറിയിച്ചു.