പ്രായപൂര്‍ത്തിയാകാത്ത പെണ്‍കുട്ടികളെ പീഡിപ്പിച്ച മദ്രസാ അധ്യാപകന്‍ അറസ്റ്റില്‍

ഇരിട്ടിയില്‍ പ്രായപൂര്‍ത്തിയാകാത്ത പെണ്‍കുട്ടികളെ പീഡിപ്പിച്ച മദ്രസാ അധ്യാപകന്‍ അറസ്റ്റില്‍. വയനാട് വെള്ളമുണ്ട സ്വദേശി മുഹമ്മദ് റാഫിയാണ് അറസ്റ്റിലായത്.പ്രായപൂര്‍ത്തിയാകാത്ത നാലു പെണ്‍കുട്ടികളെ പീഡിപ്പിച്ചെന്നാണ് കേസ്.എട്ടും പതിനൊന്നും വയസുള്ള പെണ്‍കുട്ടികളാണ് പീഡനത്തിനിരയായത്.കഴിഞ്ഞ കുറച്ചു കാലമായി ഇയാള്‍ പെണ്‍കുട്ടികളെ പീഡിപ്പിക്കുകയായിരുന്നെന്നാണ് വിവരം.പീഡന വിവരം വീട്ടിലറിയിച്ചത് കുട്ടികള്‍ തന്നെയാണ്.

പെണ്‍കുട്ടികളുടെ അമ്മമാരുടെ പരാതിയിലാണ് കേസെടുത്തിരിക്കുന്നത്.ഇയാളെ ഇന്ന് കോടതിയില്‍ ഹാജരാക്കും.ഈ വിധത്തില്‍ മദ്രസയിലെ മറ്റു കുട്ടികള്‍ പീഡനത്തിനിരയായിട്ടുണ്ടോ എന്നും പൊലീസ് അന്വേഷിക്കുന്നുണ്ട്.