മിഷേല്‍ മരിച്ചെന്ന വാര്‍ത്ത അറിഞ്ഞ ശേഷം ക്രോണിന്‍ അയച്ചത്‌ 12 മെസ്സേജുകള്‍

മരണ വിവരം അറിഞ്ഞ ശേഷം ക്രോണിന്‍ അയച്ചത്‌ 12 മെസ്സേജുകള്‍. മിഷേല്‍ മരിച്ചെന്ന വാര്‍ത്ത അറിഞ്ഞ ശേഷവും താനുമായി പ്രശ്‌നങ്ങള്‍ ഒന്നുമില്ലെന്ന് വരുത്തി തീര്‍ക്കാന്‍ പിടിയിലായ ക്രോണിന്‍ അലക്‌സാണ്ടര്‍ മെസ്സേജുകള്‍ അയച്ചതായി പോലീസ്. കായലില്‍ മരിച്ച വാര്‍ത്ത പടര്‍ന്ന ശേഷമാണ് ക്രോണിന്റെ മെസ്സേജുകള്‍ വന്നത്.

പരിശോധനയില്‍ തലേ ദിവസവും അന്നുമായി അയച്ച 89 മെസ്സേജുകള്‍ ഡിലീറ്റ് ചെയ്തതായും കണ്ടെത്തി. എന്നാല്‍ ഈ മാസം ആറ്, ഏഴ്, എട്ട് തീയതികളില്‍ അയച്ച 12 മെസ്സേജുകള്‍ ഫോണില്‍ നിന്ന് പോലീസ് കണ്ടെടുത്തു. നമ്മുക്ക് ഒരുമിച്ച് ജീവിക്കേണ്ടേ, എന്തുകൊണ്ട് എന്നെ വേണ്ടെന്ന് വെച്ചു, എന്തിനാണ് എന്നോടിങ്ങനെ തുടങ്ങിയ കാര്യങ്ങളാണ് ഈ എസ്എംഎസുകളില്‍ ഉള്ളത്. ക്രോണിനെ ഇന്ന് ക്രൈം ബ്രാഞ്ച് ചോദ്യം ചെയ്യും.