കൊല ചെയ്യപ്പെട്ട നാടോടി ദമ്പതികളുടെ മക്കളെ പോലീസ് ഏറ്റെടുത്തു

ഇരിട്ടിയിലും തുമകുരുവിലും കൊലചെയ്യപ്പെട്ട നാടോടി ദമ്പതികളുടെ മക്കളെ പോലീസ് മുംബൈയില്‍ നിന്ന് ഏറ്റുവാങ്ങി. കൊലചെയ്യപ്പെട്ട ശോഭയുടെയും രാജുവിന്റെയും മക്കളായ ആര്യന്‍(6) അമൃത(4) എന്നിവരെയാണ് ഏറ്റെടുത്തത്. ജനുവരി 18ന് ഇരിട്ടിയിലെ പൊട്ടകിണറ്റിലാണ് ശോഭയുടെ മൃതദേഹം കണ്ടെത്തിയത്. ശോഭയുടെ ചെറിയമ്മയുടെ ഭര്‍ത്താവ് മഞ്ജുനാഥ് ആണ് കൊലയ്ക്കു പിന്നിലെന്നാണ് പോലീസ്. മഞ്ജുനാഥിനെ ചോദ്യം ചെയ്തപ്പോള്‍ അതിനു മുന്നേ കൊല്ലപ്പെട്ട രാജുവിനെ താനും ശോഭയും ചേര്‍ന്നാണ് കൊലപ്പെടുത്തിയതെന്ന് മൊഴി നല്‍കി.

ശോഭയുടെ മരണത്തിനു ശേഷം മഞ്ജുനാഥ് കുട്ടികളെയും കൊണ്ടു പോകുന്നത് സിസിടിവിയില്‍ നിന്ന് വ്യക്തമായതോടെയാണ് ഇയാള്‍ കുടുങ്ങിയത്. പിന്നീട് കുട്ടികളെ മുംബൈയില്‍ നിന്ന് കണ്ടെത്തുകയായിരുന്നു.