ശിവസേന എംപി മര്‍ദ്ദിച്ചത് മലയാളി ഉദ്യോഗസ്ഥനെ

എയര്‍ ഇന്ത്യ വിമാനത്തില്‍ ശിവസേന എംപിയുടെ മര്‍ദ്ദനത്തിന് ഇരയായത് കണ്ണൂര്‍ സ്വദേശിയായ ഉദ്യോഗസ്ഥന്‍. എയര്‍ ഇന്ത്യയില്‍ മാനേജരായ കണ്ണൂര്‍ സ്വദേശി രാമന്‍ സുകുമാറിനെയാണ് ശിവസേന എംപി രവീന്ദ്ര ഗെയ്ക്‌വാദ് ചെരുപ്പു കൊണ്ട് അടിച്ചത്. 25 തവണ ചെരുപ്പു കൊണ്ട് അടിച്ചെന്നാണ് എംപിക്കെതിരെയുള്ള ആരോപണം.

സംഭവം വന്‍ വിവാദമായിട്ടും ഉദ്യോഗസ്ഥനോട് മാപ്പു പറയാന്‍ തയ്യാറല്ലെന്നാണ് എംപിയുടെ നിലപാട്. അറുപത് വയസ്സു കഴിഞ്ഞ ഒരു ഉദ്യോഗസ്ഥന്‍ പെരുമാറാന്‍ പഠിക്കണമെന്നാണ് എംപിയുടെ നിലപാട്.സംഭവത്തെ തുടര്‍ന്ന് ഗെയ്ക്‌വാദിനെ ഇന്ത്യന്‍ എയര്‍ലൈന്‍സ് ഫെഡറേഷന് കീഴിലുള്ള എല്ലാ കമ്പനികളും വിലക്കി. ഇതേ തുടര്‍ന്ന് മുംബൈയിലേയ്ക്ക് എംപി ട്രെയിനിലാണ് പോയത്. എംപിക്കെതിരെ വധശ്രമത്തിന് കേസ് നല്‍കിയിട്ടുണ്ട്.