എറണാകുളത്ത് ഉത്സവത്തിന് കൊണ്ടുവന്ന ആനകള്‍ ഇടഞ്ഞു ; പാപ്പാന് പരിക്ക്

എറണാകുളത്ത് ഉത്സവത്തിന് കൊണ്ടുവന്ന ആനകള്‍ ഇടഞ്ഞു. എറണാകുളം ചളിക്കവട്ടം പടിഞ്ഞാറെ കുഴുവേലി ക്ഷേത്രത്തില്‍ ഉത്സവത്തിനെത്തിച്ച രണ്ട് ആനകളാണ് ഇടഞ്ഞത്. ആനകള്‍ ഇടഞ്ഞത് ജനങ്ങളില്‍ പരിഭ്രാന്തി സൃഷ്ടിക്കുകയും ചെയ്തു.

എഴുന്നള്ളിപ്പിനിടെ അടുത്തുനിന്നിരുന്ന ആന മറ്റൊരു ആനക്കിട്ട് കുത്തിയതായിരുന്നു പ്രശ്‌നങ്ങളുടെ തുടക്കം. ഇതോടെ കുത്തേറ്റ ആന ക്ഷേത്രത്തിന് പുറത്തേയ്ക്ക് ഓടുകയും പരിഭ്രാന്തി സൃഷ്ടിക്കുകയുമായിരുന്നു. എലിഫെന്റ് സ്‌ക്വാഡെത്തിയാണ് രണ്ടാനകളെയും മയക്കുവെടിവെച്ച് തളച്ചത്. ആനയെ തളയ്ക്കാനുള്ള ശ്രമത്തിനിടെ പാപ്പാന്‍ രതീഷിന് പരിക്കേറ്റു.