പൊലീസിന് വീഴ്ച പറ്റിയെങ്കില്‍ തിരുത്താനുളള ശേഷി സര്‍ക്കാരിനും പാര്‍ട്ടിക്കുമുണ്ടെന്ന്‌ കോടിയേരി ബാലകൃഷ്ണന്‍

ജിഷ്ണുവിന്റെ അമ്മയ്ക്കും കുടുംബത്തിനുമെതിരെ പൊലീസ് നടത്തിയ അതിക്രമത്തില്‍ ഡിജിപിയെ മാറ്റേണ്ട ആവശ്യമില്ലെന്ന് സിപിഎം സംസ്ഥാന സെക്രട്ടറി കോടിയേരി ബാലകൃഷ്ണന്‍. പൊലീസിന്റെ ഭാഗത്ത് വീഴ്ച സംഭവിച്ചിട്ടുണ്ടെങ്കില്‍ അത് തിരുത്തും. അതിനുള്ള ശേഷി സര്‍ക്കാരിനും പാര്‍ട്ടിക്കുമുണ്ടെന്നും കോടിയേരി വ്യക്തമാക്കി. അതേസമയം ജിഷ്ണു പ്രണോയിയുടെ അമ്മ മഹിജയ്ക്കും കുടുംബത്തിനുമെതിരെ പൊലീസ് സ്വീകരിച്ച നടപടി സിപിഎമ്മിന്റെ സംസ്ഥാന നേതാക്കളുമായി ചര്‍ച്ച ചെയ്യുമെന്ന് സീതാറാം യെച്ചൂരി വ്യക്തമാക്കി.