തമിഴ്‌നാട് ആര്‍ കെ നഗര്‍ ഉപതിരഞ്ഞെടുപ്പ്; നാലു മണിക്കൂറില്‍ 14 ലക്ഷം രൂപ പിടിച്ചെടുത്തു,28പേരേ അറസ്റ്റു ചെയ്തു

ആര്‍ കെനഗര്‍ ഉപതിരഞ്ഞെടുപ്പില്‍ പണമൊഴുക്കിന് തടയിട്ട് തിരഞ്ഞെടുപ്പ് കമ്മീഷന്‍.പണമെറിഞ്ഞ് വോട്ടര്‍മാരേ സ്വാധീനിക്കാനുള്ള പാര്‍ട്ടികളുടെ ശ്രമങ്ങളെ അട്ടിമറിച്ച് നാലു മണിക്കൂറിനുള്ളില്‍ 14 ലക്ഷം രൂപ മരവിപ്പിച്ചു.28 പേരേയാണ് അനധികൃതമായി പണം കൈവശം വെച്ചതിന് അതിവേഗ സേന അറസ്റ്റു ചെയ്തിരിക്കുന്നത്.നേതാജി നഗര്‍,ശാസ്ത്രി നഗര്‍,ഭാരതി നഗര്‍,അജീസ് നഗര്‍ തുടങ്ങിയ സ്ഥലങ്ങളിലാണ് ഇന്നലെ രാത്രി അതിവേഗ സേന റെയ്ഡ് നടത്തിയത്.ഇതില്‍ ഒ.ശ്രീനിവാസന്‍ എന്ന വ്യക്തിയുടെ വീട്ടില്‍ നിന്നു മാത്രം 9 ലക്ഷം രൂപ പിടിച്ചെടുക്കുകയും 11 പേരേ അറസ്റ്റു ചെയ്യുകയും ചെയ്തതായി ന്യൂ ഇന്‍ഡ്യന്‍ എക്‌സ്പ്രസ് റിപ്പോര്‍ട് ചെയ്തു.കള്ളപ്പണം കൈയ്യില്‍ കരുതുന്നത് തിരഞ്ഞെടുപ്പ് കമ്മീഷന്‍ പിടിച്ചെടുക്കാന്‍ സാധ്യതയുള്ളതിനാല്‍ ഓണ്‍ലൈന്‍ വ്യാപാര സ്ഥാപനങ്ങളായ ഫ്‌ലിപ് കാര്‍ട്ടില്‍ നിന്നും ആമസോണില്‍ നിന്നും വോട്ടര്‍മാരേ സ്വാധീനിക്കുന്നതിന് വന്‍തോതില്‍ സാധനങ്ങള്‍ വാങ്ങുന്നതായും സമ്മാനങ്ങളായി വോട്ടിന് പ്രതിഫലം നല്‍കുന്നതായും ചില റിപ്പോര്‍ട്ടുകളുണ്ട്.