അവസാനം മകനെ നഷ്ടപ്പെട്ട അമ്മയ്‌ക്കൊപ്പം ‘മുഖ്യമന്ത്രി’

ആരോപണണങ്ങള്‍ക്കും പ്രത്യാരോപണങ്ങള്‍ക്കും മറുപടിയുമായി അവസാനം മുഖ്യമന്ത്രി എത്തി .മകനെ നഷ്ടപ്പെട്ട അമ്മയുടെ ദുഖത്തിനൊപ്പമെന്ന് പിണറായി.സംഭവത്തില്‍ സര്‍ക്കാര്‍ ആ കുടുംബത്തിനൊപ്പമാണെന്ന് വൈകീട്ട് മലപ്പുറത്ത് നടന്ന ഒരു ചടങ്ങില്‍ മുഖ്യമന്ത്രി വ്യക്തമാക്കി.

പൊലീസ് ജിഷ്ണുവിന്റെ അമ്മയെ റോഡിലൂടെ വലിച്ചിഴച്ചിട്ടില്ലെന്നും സമരത്തിനിടയില്‍ റോഡില്‍ കിടന്ന അവരെ പൊലീസ് പൊക്കി മാറ്റുകയാണുണ്ടായതെന്നും പിണറായി വിജയന്‍ വ്യക്തമാക്കി,അതിന് ദൃശ്യങ്ങള്‍ തെളിവാണ്.ജിഷ്ണുവിന്റെ കുടുംബത്തിന് നീതി ലഭ്യമാക്കുമെന്നും പിണറായി കൂട്ടിച്ചേര്‍ത്തു

ജിഷ്ണുവിന്റെ അമ്മയടക്കം ആറുപേരും -ഡിജിപിയുമായുള്ള കൂടിക്കാഴ്ച ഇരു കൂട്ടരും അംഗീകരിച്ചതാണ്.പക്ഷെ സംഭവത്തിനു പിന്നിലെ ഇടപെടലുകള്‍ ഇന്നലെയും ആവര്‍ത്തിച്ചു.ജിഷ്ണുവിന്റെ കുടുംബത്തിന് സര്‍ക്കാരിനെതിരെ പരാതിയില്ല.അമ്മ നഷ്ടപ്പെട്ട മകന്റെ ദുഖത്തിനര്‍ഹമായ വില കൊടുത്ത് മുന്നോട്ടു പോകുമെന്നും പിണറായി കൂട്ടിച്ചേര്‍ത്തു. ജിഷ്ണുവിന്റെ ദുരൂഹമരണത്തില്‍ ഇനിയും രണ്ടു മൂന്നു പേരേ പിടികൂടാനുണ്ട്.ഒളിവില്‍ കഴിയുന്നവരുടെസ്വത്ത് കണ്ടു കെട്ടാനുള്ള ശ്രമം കോടതിയുടെ ഭാഗത്തു നിന്നു നടക്കുന്നുണ്ട്.സര്‍ക്കാര്‍ ജിഷ്ണുവിന്റെ കുടുംബത്തിന് നീതി കിട്ടുന്നതു വരെ പോരാടുമെന്നും മുഖ്യമന്ത്രി വ്യക്തമാക്കി.