മലപ്പുറംകാര്‍ തെരഞ്ഞെടുപ്പിന്റെ മഷി മായും മുമ്പ് അടുത്ത തെരഞ്ഞെടുപ്പിനൊരുങ്ങുന്നു…!

മലപ്പുറംകാര്‍ അടുത്ത തെരഞ്ഞെടുപ്പിന് ഒരുങ്ങുന്നു. കുഞ്ഞാലിക്കുട്ടിയുടെ ഒഴിവില്‍ വരുന്ന വേങ്ങര മണ്ഡലത്തിലെ തെരഞ്ഞെടുപ്പിനാണ് മലപ്പുറത്തുകാരില്‍ ഒരു വിഭാഗം വീണ്ടും ബൂത്തില്‍ എത്തുന്നത്. വേങ്ങരയില്‍ ആര് മത്സരിക്കുമെന്ന ചോദ്യം ഇപ്പോഴേ ലീഗില്‍ ഉയര്‍ന്നു കഴിഞ്ഞു. മുസ്‌ളീംലീഗിന് വ്യക്തമായ മേല്‍ക്കോയ്മ ഉള്ളിടത്ത് കുഞ്ഞാലിക്കുട്ടിയുടെ പ്രിയങ്കരന്‍ അബ്ദുറഹിമാന്‍ രണ്ടത്താണി വരുമോ അതോ ലീഗ് ജനറല്‍ സെക്രട്ടറി കെപിഎ മജീദോ മത്സരിച്ചേക്കുമെന്നാണ് സാധ്യത. അതേസമയം ഇക്കാര്യത്തില്‍ അന്തിമ തീരുമാനം മിക്കവാറും കുഞ്ഞാലിക്കുട്ടിയുടേത് തന്നെയായിരിക്കും.