കൊച്ചി മെട്രോയുടെ പ്രധാനപരിശോധന ഇന്ന്

കൊച്ചി മെട്രോയുടെ പ്രധാനപരിശോധനകള്‍ ഇന്ന് നടക്കും. മെട്രോ റയില്‍ സേഫ്റ്റി കമ്മീഷണറുടെ നേതൃത്വത്തില്‍ നടക്കുന്ന പരിശോധനകള്‍ മൂന്നു ദിവസത്തില്‍ പൂര്‍ത്തിയാകും. ഈ പരിശോധനകളില്‍ പൂര്‍ണ്ണ വിജയം നേടിയാല്‍ മാത്രമേ മെട്രോയ്ക്ക് ഓടാന്‍ സാധിക്കൂ.

ട്രെയിനിന് പുറമേ പാളവും സിഗ്നലുകളും സ്‌റ്റേഷനിലെ സൗകര്യവും വൃത്തിയുമുള്‍പ്പെടെ എല്ലാ കാര്യങ്ങളും റെയില്‍ സേഫ്റ്റി കമ്മീഷണറുടെ നേതൃത്വത്തില്‍ പരിശോധിച്ച് റിപ്പോര്‍ട്ട് നല്‍കും. സേഫ്റ്റി കമ്മീഷണര്‍ കെഎ മനോഹരന്റെ നേതൃത്വത്തിലെത്തുന്ന നാലംഗ സംഘമാണ് സുരക്ഷാ പരിശോധനകള്‍ നടത്തുന്നത്. ആലുവ മുട്ടം സ്‌റ്റേഷനുകളിലാണ് ഇന്ന് പരിശോധന. രണ്ടാം ദിവസം കളമശ്ശേരി, കുസാറ്റ്, പത്തടിപ്പാലം, ഇടപ്പള്ളി എന്നിവിടങ്ങളിലും അവസാന ദിവസമായ വെള്ളിയാഴ്ച ചങ്ങമ്പുഴ പാര്‍ക്ക്, പാലാരിവട്ടം എന്നിവിടങ്ങളിലെ സ്‌റ്റേഷനിലും പരിശോധന നടത്തും.