നിയമസഭയില്‍ ഭരണപക്ഷത്തിന് സ്പീക്കറുടെ റൂളിംഗ്

നിയമസഭയില്‍ ഭരണപക്ഷത്തിന് സ്പീക്കറുടെ റൂളിംഗ്. പ്രതിപക്ഷത്തിന്റെ ചോദ്യത്തിന് കൃത്യമായ മറുപടി നല്‍കുന്നില്ലെന്ന പരാതിയിലാണ് സ്പീക്കര്‍ പി.ശ്രീരാമകൃഷ്ണന്‍ മന്ത്രിമാരെ പരോക്ഷമായി വിമര്‍ശിച്ച് റൂളിംഗ് നല്‍കിയത്.

ആഭ്യന്തര വകുപ്പുമായി ബന്ധപ്പെട്ട പല ചോദ്യങ്ങള്‍ക്കും കൃത്യമായ മറുപടി നല്‍കുന്നില്ലെന്ന് കഴിഞ്ഞ ദിവസം പ്രതിപക്ഷ നേതാവ് രമേശ് ചെന്നിത്തല സഭയില്‍ അറിയിച്ചിരുന്നു. ഇതു ഗൗരവമുള്ള വിഷയമാണെന്നും കഴിഞ്ഞ ദിവസം സ്പീക്കര്‍ പ്രതികരിച്ചിരുന്നു. പല വകുപ്പുകളുമായി ബന്ധപ്പെട്ട ചോദ്യങ്ങള്‍ക്കും മറുപടി ലഭിക്കുന്നില്ലെന്ന് കാണിച്ച് പ്രതിപക്ഷ നേതാവ് നല്‍കിയ പരാതിയില്‍ മറുപടിയായാണ് സ്പീക്കര്‍ ഇന്നത്തെ റൂളിംഗ് നല്‍കിയത്. പ്രതിപക്ഷത്തിന്റെ പരാതി വസ്തുതാപരമാണ്. നിരുത്തരവാദപരമായ സമീപനമാണ്ഇ ക്കാര്യത്തിലുണ്ടായിരിക്കുന്നത്. ചോദ്യങ്ങള്‍ക്ക് കൃത്യമായി മറുപടി നല്‍കാതിരിക്കുന്നതിന് ന്യായീകരണമില്ല. ഈ സഭാ സമ്മേളന കാലത്ത് ഉന്നയിച്ച മുഴുവന്‍ ചോദ്യങ്ങള്‍ക്കും സമ്മേളനം അവസാനിക്കുന്ന 25 നു മുന്‍പ് തന്നെ മറുപടി നല്‍കണമെന്നും സ്പീക്കര്‍ അറിയിച്ചു.