ഭീകരവാദത്തിനെതിരെ മുസ്ലിം രാജ്യങ്ങളുടെ സഹകരണം തേടി അമേരിക്ക

ഇസ്ലാമിക ഭീകരവാദത്തിനെതിരെ സൗദി അറേബ്യ അടക്കമുള്ള മുസ്ലിം രാജ്യങ്ങളുടെ സഹകരണം തേടി അമേരിക്കന്‍ പ്രസിഡന്റ് ഡൊണാള്‍ഡ് ട്രംപ്. റിയാദില്‍ നടന്ന മുസ്ലീം രാഷ്ട്രനേതാക്കളുടെ ഉച്ചകോടിയില്‍ സംസാരിക്കുകയായിരുന്നു അദ്ദേഹം. സൗദിയുമായി പുതിയൊരു ബന്ധം ആരംഭിക്കുകയാണ്. മേഖലയിലും ലോകത്തെമ്പാടും സമാധാനവും സമൃദ്ധിയും ഉണ്ടാകണമെന്നാണ് യുഎസിന്റെ ആഗ്രഹമെന്നും അദ്ദേഹം അറിയിച്ചു. ഇറാനെതിരെ രൂക്ഷമായ വിമര്‍ശനവുമുന്നയിക്കുന്നതായിരുന്നു അമേരിക്കന്‍ പ്രസിഡന്റിന്റെ പ്രസംഗം. ഭീകരവാദത്തിന് ഇറാന്‍ ആയുധവും പരിശീലനവും നല്‍കുന്നതായും അദ്ദേഹം പറഞ്ഞു.